ADVERTISEMENT

This area is available for advertisement. Please contact for details.

Arnivang
Get Adobe Flash player

Angtan adet asor aphan kapangthek asai kapangkre: HYCP

GUWAHATI, Chiti 27: Paribartan amen pen Dispur anghoi kangni Sarbananda Sonowal keja BJP pajirpo ratpangri atum Foreigner Tribunal asai kedeng aprang aphan mute non jakong nangjum bom lo pusi Hindu Yuva Chatra Parishad (HYCP) akoi van. Chiti niphai 26 arni Guwahati Press Club along kapangni pherangke amai along HYCP ameiphu Bolen Baishya kaningje ke, penang an arni pen Foreigner Tribunal asai along ajahak Assam alongri aphan kachinghon lapen ladak kedo barim kapathirthip Assamese advocate atum sorkar a advocate ateng pensi do dun lo. Laso ajoine kaprek-kaprek kebeng-kephan dokok pusetame Foreigner Tribunal asai kedeng penang an ke paprang pon lo. Bonta kachari ajakong kelong pen ratpangri atum halaso Assamese a advocate atum aphan terek lapsi Hindu Bengali atum aphan advocate pek det lo. Halahai Hindu Bengali advocate atum non angtan asor aphan kapangthekji pu amen pen Hindu Bangladeshi atum aphan India asor kapinchongji aphansi kabor-i lok lo. Laso ajoine non apor ahut Foreigner Tribunal asai abang ke angtan asor atum aphan kerai atovar anatthusi kepon bom ason lo. Lasi laso aphuthak Assam Assembly along cheraisi angtan asor aphan kapangthekji ke Tribunal along isi kelang tarlip amei seng nang po lapen halaso amei atum aphan kado kave ajakong pisi inut a Bangladeshi aphan ta kapajok longle detji aphan klem nang po pusi HYCP atum ratpangri atum aphan choningri.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives