ADVERTISEMENT

This area is available for advertisement. Please contact for details.

Arnivang
Get Adobe Flash player

Dokmoka Thong Nokbe College along Karbi Freshers Meet katalon

UntitledDen Arong/Dokmoka, Chiti 26: KSCC atum patirpisi pini Dokmoka Thong Nokbe College along Karbi Freshers Meet 2017 alir-alon pen katalon.
Bidor Tisso kachepahemphu amai along Akash Rongpi alohi kapachini apor e-en lapen Seva Teron mai kepha alamthe jai.
Mai along alohisarpo aman pen KAAC EM Raju Tisso, man-peng alohi aman pen Mahamaya constituency a MAC Lunsing Teron, chopha alohi aman pen KCS ameiphu Chandrasing Kro, PWD SDO Bodonsing Tisso, TNC governing body ameiphu Bidyasing Rongpi atum pen chenglok Rukasen College, Hawraghat College, Parakhua, Dengaon lapen Dokmoka Higher Secondary School lapen TNC along abarim charli bangphu-phi atum chetong dun.
MAC Lunsing Teron kejai tekang ke, pini-pinap prapjin pen dak TNC along apharman Thong Nokbe akumlin nangkapaleji aphan bor-i bom lo.
Bodon Tisso pen Thong Teron arjan pipajir tekang, laso ahut charli a osomar atum aphan mesen alam than tekang.
Alohisarpo EM Raju Tisso kejai ke, aphrangsi ilitum kopima akenangji alam anke government atum aphan pachini dun thek abangdo nangji. KCS punon KLT punon un an ke keja atum bor-i bom lo. Setame ke-un e adim do-o lang, athe la-an sose methang alam apharman aprang pon un nang alang. Lasi lahai aphuthak ke tangka maha akenangsot. Lasi Karbi Anglong ke madu a sorkarle nangchari setame lahai ke kenangsot pusi alohi sarpo ja itekang.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives