ADVERTISEMENT

This area is available for advertisement. Please contact for details.

Arnivang
Get Adobe Flash player

Akhil Gogoi aphan NSA pabonsi Akhil lapen kacherap KMSS aphan kapavirji aphan sorkar kabor-i

GUWAHATI, Chiti 26: Det ahotur pu akoi pisi National Security Act. (NSA) aron ateng pen Akhil Gogoi aphan nep ingnang det aphi Assam adangpi hur chodut lo. Thongkep ra kethom alamhoi pabonsi NSA arvak det aphi kaprek-kaprek atalom along KMSS atum kachesongji aphan chisik bom lo. Ratpangri atum lapuson asai keklem aphuthak penang an hamphang asongja atum ning kangsame chepaklang. Penang an arleng kesar atum ta laso aphuthak manghu rinti. Social media along ta Akhil aphan labangso NSA karvak aphuthak pinrem. Laso angbong Akhil Gogoi pen-pen KMS asong aphan kapavir detji aphan ta BJP ratpangri atum bidi klem bom puta birta long dun. Angkrak pen birta kelong dun ateng ke Akhil aphan kenep aphuthak song atum kedengji asai along kachesong abangphu-bangphi atum aphan sai jokje kachesong aning kapapungji aphan police administration atum aphan athak pen hukum nangpale puta chini dun. Kachesong asong atum aphan kachesong ahut kangsai thekji aphan mate kapavir thekji aphan police administration atum blue print kasemar puta chini dun. Sorkar atum NSA karvak Akhil Gogoi aphan ULFA, NSCN lapen mouse atum pen kacherap do pusi administration atum akoi pi. Akhil Gogoi aphan laso akoi kipi aphuthak kevangji arni KMSS asong aphan karvak hupji aphan joi- joi pen bidi klem bom lo pusi BJP pen kacheme elong angkrak pen birta rip dun long. Laso asai along BJP ajahak tiri along kacherap dun atum lapen RSS pen kacherap ajahak jabang atum ta lang tarlip dun bom pusi birta long. Kado-kave asai along bang hini police asaiphu lapen ajahak arnam kardom administration asaiphu atum ta do dun pusi chini dun. Laso pen langdam pulote nangkangtang bom Akhil Gogoi lapen alanglilong kacherap dun Krishak Mukti Sangram Committee atum aphan kapajut kokji aphansi sorkar atum lapuson abidi klem bom lo pusi honthe meme. Kevangji Panchayat kilik ahut halahai asong atum BJP atum aphan pachiksak dun det nap u angthek kelong ajoine pensi RSS atum ta laso along chejok dun lo. Halapu BJP IT Cell atum ta Akhil aphan maoist pu akoi pisi pachethangji aphan angsong pen hukum kipi puta chini dun. Ajat pen pusetame Akhil Gogoi lapen KMSS atum aphan klempar asong pen kacherap do pu akoi karvak long vekji pahansi bidi klem bom lo. Laso angbong jongsi halabangso asong atum kachesong ahut amethang chirim thekthe pulote sorkar atum avarsai cho-en det po. Lasi laso along kachesongji jabang atum kachere meksi keme puta isi angkrak pen birta longdun.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives