ADVERTISEMENT

This area is available for advertisement. Please contact for details.

Arnivang
Get Adobe Flash player

ZKYF katalonji aphan kisik bom adim EM Jagatsing Ingti kahumri dam

UntitledDiphu, Chiti 24: Non kevangji Chiti 27 arni pen pangchengji Zonal Karbi Youth Festival katalonji aphan Karbi Anglong arlo kaprek-kaprek a zone atum chisik-chedang bom lo. Lason ahut Balipathar KCS Zone atum ta Zonal Karbi Youith Festival ingdeng 25 Ruptalinji aphan Japralangso jutang aklam along sikdang bom lo. Kisik-kedang along Sarupathar constituency a MAC EM Jagatsing Ingti ardi chipi dunsi pini rong-aje katalonji aphan kisik bom adim along anerlo porphai 1 apor malom humri dam. Kahumri dam ahut tirikam amei ameiphu Riso Singnar, chunbang Honaram Singnar lapen Balipathar KCS Zone ameiphu Kishon Bey, chunbang Kangbura Ingti lapen kaprek atum aphan chetong tekangsi rong-aje katalon mesen pen kapachun thekji aphan bidi-sore pi tekang.
Pining Ruptalin asengkan mesen lapen ingsamjin pen kapachun thekji aphuthak chethan-chingvaisi a sub-committee tin penta penang an chingki-chethan tekang.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives