ADVERTISEMENT

This area is available for advertisement. Please contact for details.

Arnivang
Get Adobe Flash player

Rohingya Muslim atum Karbi Anglong nang kilutji angring thedung

Bangladesh pen nangkibe Muslim lapen Hindu a Bengali atum armu non Assam arlo phant 45% athak arlu tanglo. Non amat Assam district kep alongke latumsi phai-ong cheplang tanglo. Latum armu nangkebat aphant (percentage) non ateng pulote ningkan ingkoi aphike latumsi Assam arlo phai-ong akhei cheplangpo pusi chini dunlo. Latum mo phai-ong nangcheplang lote ratchari ajakong cheraidetpo anke ladak kedo barim akhei atumke methang alongri arlosi bang akengpak arumsi donangpo. Arnivangta Bangladesh asor  Assam alongri nangkilut pu alam arju longverlo. Non amat Sorkar pen kapangthek atengke lak plikep anbak Bangladesh a Muslim lapen lak eingkoi Bangladesh a Hindu atum Assam arlo kedotanglo pusi pachini. Latum armu kechan pik ajok ingnam ajo alongle anta cherai etlo lapen rongsopi-rongsoso anta dothiplo. Latum longle-phelang kacherai bom ajok khei barim atum asomar-asumar atum kedoji alongle-phelang anta cherai etlo. Bangso angthek Karbi Anglong amatsi ilitum theklonglo. East Pakistan pen nangkibe a Bengali atum aphan District Council pen don pharo trok anbak Uttar Borbil along adim pek detlo. Don pharo trok pen non ko-anlo nang kechan? Sonsi bang angtan aso atum aphan adim pek bom mo ilitum asomar-asumar atum kedoji adimke bang atum aphan chepek bom. Non puthot isi kaphere meme angthek nangklang thu lelo. Lake Rohingiya pu a Muslim atum Myanmar adet pen nangkebe alam. Myanmar adet Arkan pu alongri kedo dun Rohingiya a Muslim akhei lapen hadak adet phai-ong Budhist a Mon atum angbong kacharvo ajok lak-lak atum India nanglut bomlo. Ejahak lapen atum Mizoram ahin pen lapen ongdung atumke Bangladesh  adet CHT (Chitagong Hills Tract) alongri pensi vangbom pusi birta longdun. Bangladesh adet pen Assam nangkilut joipik athema Bangladesh arlo pen lapu India arlota ahoi along anke Muslim akhei atum saide. Latum aphan kevangmi lapen kevangban pu kapangthek sungkrung. Sonsi suri-lak aronre pen Assam nanglut bomlo. Non lahai Ronghingiya a Muslim atumta amek ke Assam alongri aphansi nangchobi lorlo. Athema ladak longle-phelang akejoi dopik lang lapen choklem chodam kachepa rengji avarsai ta do-olang pu latum chini. Bangso aphuthak ladak alongri amonit atum cheroktok kali puta latum chini. Lasi ongdung aphaike Assam si nanglutpo lapen ladak Karbi Anglongta nang lutpo. Athema akaprek inglong alongri along latum adim chelong damde. Ladaksi khei kachinghon lapen kacherokok arat atum kachini damvek nangji alam abangke. Assam angbongta kejoinei ke Karbi Anglong helo puta latum chini pamelo. Kedamtang anke ilitum angtan aso atum nanglikut lapen ingnam, longle nang kacherai anta khang dunde athema mo kevangji a-ove atum aphan ko-an akisung doji pu ilitum kamatha dam pangching atum ave. Bangso ajok ilitum alongri ke bang aphan chepekdet asonlo. Non kedo lang alongle-phelang, ingnam anta bang aphan chipi bom pulote mo ilitum kedo dunji athai avedetpo. Lasi non penke ilitum cheroktok nangpo lapen bang akhei atum aphan longle-phelang kipipe detji aphansi klem nangji. Bango asai pachunji pulote KAAC kachari atum, hamphang asong lapen Karbi arong tin rong asor angbong keklem cherap cheto nangpo. Jatsemetke bangso alam aphuthak rong asor aphan kapacheroktok pen kapedoji aphan klem nangji. Rong aso atum angtan aso kevang pu theklong lote men-men pangthek dunsi ketoiji aphan klem nangji. Karbi arong arlo angtan aso  kulat, bepar heihui keklemji aphan adim pipe det nangji.

One Response to Rohingya Muslim atum Karbi Anglong nang kilutji angring thedung

  • lake ahokpet alamlo jongsi eli karbi atum cheroktok ave pulote elitum alongri alongle phelang unta nang cherai etpo. Rohingya hindu & muslim atum kaprek kaprek abidi pen karbi anglong arlo nang kelut g aphan klem tahai la c ilitum chelang chari nang g angpen hai hui angtun aso atum ke sailangno (rape, murder, thief,dakaity) ta klem hai athema lahai sailangno kachoklem ajoinesi mayanmar adet pen nang keplung nangkoklo

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives