ADVERTISEMENT

This area is available for advertisement. Please contact for details.

Arnivang
Get Adobe Flash player

Nopak sovak

––– Baliram Teron,
Diphu

Sar lamthe kipu dam do ‘nopak ta re ongte beng vang apot’, laso kebeng vang anopak aphansi nopak sovak pu kipu. Ako eson asarlamthe do thu lang, ‘nopak sovak arti choho’. Lasi lahai asarlamthe kachekok aphuthak si neli palomo damji. Nopak ta re ong te beng vang apot pu kachekok dam:- Diphu rongsopi angkang erong do. Laso arong along kethek kere amonit ong nai lo. Nahok ahin along ta do dun. Political, contract, bank lapen arlo ason la-an alongtin alongta do dun laso arong asor Dhorom ahinta anuttin si akaprek ajat adhorom alongta do dun thei. Hindu, Christian, aron barim, aron kimi, ISKCON, Joy Guru la-an chot kali lang akimi-kimi adhorom ta paklang thu lang. La abangke arnam aphan kali Karbi aphansi karcho adhorom lata isi akimi adhorom lo a Guru ta akimi lang. Labangso arong kethek kere ke-ong atengte chingthur pik nangji apot lo bonta laso arong ke ajo apor ke auto-rickshaw atum anta dun hai vangve bonta kaphere meme pu asonle kedo-oh puta kali kethek kere ke-ong penle lang dam pulote laso arong ke chingthur oh nangji apot lo, seta rong pachingthurji akam ke majok ta klem abang ave. Athe anuttin ta chepinkhat haihe. Kapinkhat lote kahili lo. Lapen anuttin ta neta inut athek kere pusi kachepu saide. Lasi nopak sovak cheplang det lo. Nopak sovak ke kopi akam lo kipi po. Inut bak akeme akam chopinkhat ingtung pu seta chopinkhat haihe, athe nopak sovak arti choho pu asarlamthe ta dolang moke chopinkhat bin ra nang ir pup na pu kaphere ta do. Arti kechek ta thithe puseta chechak ta un-eh. Lasi arti aphanta phere nangkok. Hako akai ke kilu akai pusi kipu, seta kachekroi, kachingri dopik, inut akesar amonit pinkhat det lote lahelo kachekroi ladak hili dun abang ave lo lapen akam ta chun pame po. Non akai ke akesar amonit aphan pulote lam melo. Ador kave amonit lo pusi hok det po. Nepo amahang kethek ahut ke neta lang thenun along sido pu amonit angse. Karbi akhei ke kethek kere ke-ong ong helo anuttin ta dhorom eson kachepang-ong-i lo. Bang Naga, Khasi atum ke kilu akhei pinak amatsi dhorom ta isivet lo. Ili Karbi akhei kivirji ta dhorom kachepa-ong apot ta eson lo pu matha dam meme. Dhorom ke kachekhang me pu ahormu puta kali. Amena mena kabuji thek kamunthi thek do matik. Dhorom kachekhinde alam kaningje abang lote lake nopak sovak arti choho lo keman po.
Hindi asarlamthe kipu do “Band Ho Muthhi Toh Laakh Ki, Khul Gayi Toh Phir Khaak Ki.” Iri chikip het lote ajat ta do, iri kachepur lote ajat ta ave lo. Ethe kacharju meme alam kedo jutang le eson dhorom le eson ma? Jutang pen dhorom esonvet loma? Bonta kethak abangke la sonni ta chok. Athe dhorom pensi jutang keplang lasi jutang helo dhorom, dhorom helo jutang. Isi abangke jutang lapen dhorom ke prekjam lata chok. Athe dhorom pulote kemesen akam aphansi dhorom kipu. Jutang ke monit atumsi kapinchong chot lasi jutang pen dhorom keprek jam puta pume. Parok atum kipu asarlamthe ta do, ‘iswar pange (kasorjon) manuhe bhange, manuhe pange isware bange’ arnam sorjon lo, monit atum phangho pidak. Monit atum sorjon po arnam atum phangho pidak. La son ni ta akechok do. Athe arnam atum langroi langjeng thengpi-thengprang selam lo, bonta monit atum langta tengpi pet, thengpi-thengprang ta pipi-et lason thak-thaksi monit atum thedung-thedung ahem chardon kim po, arnam atum paru pi-et lahai ke monit pen arnam alar kachehui lo nangnak. Lasonsi ilitum kachini nangji do-oh lang. Isi asarlamthe do lang, ‘arnam ethip kirla along etheng kirla alang’ lata ahok athe arnam, ke majok aphanta ka sorjon ke isivet lo, ari akeng amek ano mesen pensi pirthe nang pahache lo. Bonta monit atum kachoklem kachodam kechokche, kachere-re apot si ari chinglok abang chinglok, akeng chinglok abang chinglok kacheplang-i lo, aphi ke arnam aphansi adai kipithu, arnam kelangno apotsi kachetong nanglo puji. Kecho kijun kachethikthe apot epok ephek so-ih po, keso ason-ason long po, lata arnam aphansi adai pi po. Arnam kelangno pupo. Ajahak atum ke arlu krak-krak athe cholong dap pu kamatha atum ta do. Ajahak atum ke arum chonghong kok, mo athe men lote arum nangklo ai-po mo cholongji pu le kamatha atum ta do. Lason kamatha abang henlo, ahokpet kamatha abang lo. Kachesong ta kenangsot chesongse ta ajat asonta longle, bonta emena apok aphan chesong chot ke chokche rat aphanle chesongpi masi ne kachesong pen rat ta nangreng dun long nangji pule matha pensi chesong nangji. Kachesong abang amena chechodet abang ke kachesong ale ave lapen papta doji. Sarlamthe kipu do ‘lubhe pap, pape mritu’, lasi ening aketer kedo atum seta ako ening kachekirla thuji aphan bor-i thu lonang pu aphansi neli laso alamjir ketok athepi alam lo.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives