ADVERTISEMENT

This area is available for advertisement. Please contact for details.

Arnivang
Get Adobe Flash player

Jangthu, hormu ador kapaso aphuthak CPI(ML)-HPC atum kachesong

DIPHU, Chiti 23: Petrol, Diesel lapen kenangsot a hormu ador kapaso aphuthak Chiti niphai 22 arni Diphu arongsopi Rongpharpi Rongbe adung along CPI(ML) Hill party Committee (HPC), AISA, RYA, KNCA, AIPWA, KANKISS, KSKA, AICCTU lapen kacherap dun an atum Prime Minister Narendra Modi pen Petrolium minister Dharmendra Pradhan atum amephi kai. Jangthu ador kapaso ajoine arnivang hormu ador ta kapaso halapu GST ajoine sankur arat atum aphan karvak aphuthaksi mephi kailo pusi CPI (ML) -HPC saihem chunbang Gobin Tokbi birta pangdak. Pachetak alo pen Tokbi asangho kapangdak thuke kaprek-kaprek adet atum pen pangbar dam pulote India adet alongke petrol-diesel ador arnivangsi akele pabat lo. Laso ajoine sankur arat atum choki-chokam ahin penang an tikuk lo. Lason lo pulote Narendra Modi atcha din konatsi kedam jui lo. Atcha din ke Narendra Modi inut aphan loma puta Tokbi asangho arjusi lake kilip aprang kachepahai iji aphansi kachechak chot alam. Non ningkan kethom ra ebeng pleng etlo kachari setame kachechak alamthe pini arni anta kachepapleng ple detke rat atum aphan kapachobai asonlo. Meh phi kekai asai kedeng ahut CPI (ML) HPC chunbang Robi Kumar Phangcho, Selawar Bey, Pratima Inghipi, Longkiram Tokbi, Ranjit Kramsa atum pen danglok bang pharo sose klembang atum chetongsi mephi kai lo pusi Gobin Tokbi pachetak aloh pen birta pangdak.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives