ADVERTISEMENT

This area is available for advertisement. Please contact for details.

Arnivang
Get Adobe Flash player

Sikkim along longle kanglem; bang 6 apran kedam

GANGTOK, Chiti 20: Thelang arni Sikkim anitur anat arve kethe ajok longle kanglem pen bang trok apran kedam dolo. Areng keso atum ta bang kethom dolo lapen penang-an adim ke tovar kanahok dolo pusi police saiphu than.
Namchi police station angkang sanchom long thom longle kanglem ahut hem kiru ajoksi bang trok an apran kedam pusi Additional Director General of Police Sudhakar Rao than.
Upper Gurpisey asanchom along jirlo 2:00 malom longle kanglem ahut bang kethom atum aphan longle inglem thip ajok apran damjui lo. Adunthu jirlo 3:00 apor Upper Bokrong ward along ta longle kanglem ahut hem ihum kiru ajok bang hini apran damthu. Sonsi, Khorlong along ta longle kanglam ahut puthot inut apran dam.
Lower Kateng Bokrong along ta longle kanglem ahut inut areng so dun. Alangphan pajok dunsi Namthang Hospital along seh langbom lo. Sikkim anitur anat longle kanglem ajok penang-an adim tovar kanahok dolo. Sonsi Sikkim anichi atalom anatthu ta longle langlem tovar kacheleng un-e do. Seta puthot tovar kangputhuji aphan sai klembom lo pusi Rao than.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives