ADVERTISEMENT

This area is available for advertisement. Please contact for details.

Arnivang
Get Adobe Flash player

Pt. Deendayal Upadhya amen pen college bilongle: AASU

UntitledDiphu, Chiti 19: AASU Karbi Anglong district committee pen Diphu regional committee atum chelangpet patirpisi pini Karbi Anglong arongsopi Diphu ahithi along armu chejeng.
Adap porphai 11:30 apor malom AASU district committee chunbang Tridep Bora, AASU tiri sikdang chunbang Bedanta Saikia, klembang Bhobesh Gogoi, Diphu regional ameiphu Shimanta Gogoi, chunbang Sorjun Hanse atum jalinsi Diphu Club along pen armu chejeng barlo. Laso ahut Diphu angkang hang sarlangsi Assam arlo Pt. Deendayal Upadhaya amen pen college bilongle pusi khamkhe lo.
Assam state angkang kado kave hum 22 Pt. Deendayal Upadhaya amen pen college kangpuji aphan Assam government pen jong lo. Seta Assam arlo ke kaprek angtan amonit amen pen college kangpuji pu alam All Assam Students Union chedon dun thekthe lapen chedon dunde pusi khamkhe thip lo.
Jongsi college biji pulote Assam arlo ke Assam along kedo amonit atum amen pensi bi nangji. Lasonsi Karbi Anglong arlo jongsi college nang ingpuji pulote Ru Semson Sing Ingti, Rangsina Sarpo, Rongpharpi Rongbe amen pensi ingpu nangji puta AASU Karbi Anglong district pen Diphu regional committee atum hang pusi AASU Diphu regional committee chunbang Sorjun Hanse pachini.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives