ADVERTISEMENT

This area is available for advertisement. Please contact for details.

Arnivang
Get Adobe Flash player

Art. 244 (A) pen chopanglim aphuthak pinpur aloh kapajir

WP_20170919_14_13_45_ProDIPHU, Chiti 19: Pini Diphu rongsopi ahithi avaikang KSA (Lumding Atovar) atum armu chejengsi hemprek pen chopanglim aphuthak CEM Tuliram Ronghang aphan kapanong apinpur KAAC EM Madhurjya Dhekial Phukan arideng pajir dam. KSA tiripi ameiphu Simeon Rongphar, chunbang Thomson Rongpi, Atursing Teron lapen arisangho atum chelangsi Diphu ahithi avaikang armu chejeng det aphi pinpur aloh pajir dam. Pinpur aloh along kejong ke, inglong alongri Karbi Anglong pen Dima Hasao aphan Article 244(A) aron ateng pen hemprek nangpi nangji pu ajak dinglen hamphang pen song atum chesong lo. Pinpur aloh pen danglok ason-son kachesong asai kedeng ta dopik lo. Lasonsi council a session, assembly lapen parliament kilik aphongtin ta ase angtong pasarning lo. Det ratpangri atum akaprek aphan hemprek pangdak bom lo. Bonta hini inglong alongri aphan palom det lo. India akachelar kevan pu kekroi atengsi BJP atum council, state lapen centre an chedonpetsi chari lo. Jakong cheharjak long pulote BJP asong atum ason-son chechak lo. Hini inglong alongri thirklong monsam atemon kapajapji aphan prapjin pen rat akangchir Art. 244 (A) kapachun serakji aphuthak ardi pi nangji pu heihui.
Lasonsi Irrigation asaikam along chopanglim aphuthak Assam ratpangri pen CBI patarlip nangji. 2013-17 aningkan angbong chairman technical advisory board pen 192 scheme panong angbong sika 1200 crore. Laso along ongdung aphai panglim lo. Karbi Anglong aphan hum 11,000 IAY ahem amen pen sika 100 crore atangka aphai nang kapale along ta panglim dun lo. Soil asaikam along nangkele EPA/IWWP saimek along sika 140 crore. Hum 1000 sose angtan pen Nagaland asor atum ladak kedo nang kapathir pen phere meme lo. Karbi Anglong arlo nahok le langdam ta tovar kaheno. Food & Civil Supplies lapen Consumer Affairs asaikam along PHH, AAY, BPL asang keron amen pen sika 1,000 crore atangka kapanglim asaiphu atum aphan nep ingang nangji puta hang.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives