ADVERTISEMENT

This area is available for advertisement. Please contact for details.

Arnivang
Get Adobe Flash player

Aronre sangti kiphur adim ACF BS Rongpi kanghap dam

UntitledDIPHU, Chiti 19: Karbi Anglong arlo kaprek-kaprek aroi along ajahak beha klembang atum aronre pen sangti kiphur asai klem bom lo. Forest asaikam atum aphan pachinine mate thangnat ahukum ave pin pen ajahak atum sangti kiphur kejor abeha klem bom lo. Lasonsi Akorani Lower Mohongdijua along aronre pen sangti kiphur bom pu abirta arju longsi pini Assistant Conservator of Forest Bikramsing Rongpi jalinsi West Division angkang arlo Central Range Manja lapen Protection Range chelangpet sangti kiphur adim along humri damsi tharle dam et lo lapen panghap chek lo. Aronre sangti kiphur atum aphan abang ke nep ingnangne detlo setame kevangjilang arni pen ke sangti phur longle lo pusi sodak pachini tekang.
UntitledPinpurme Karbi Anglong arlo along penang an adim sangti pen danglok koila, arlong lapen kaprek-kaprek khi-adat aronre pen ajahak beha klembang atum kiphur inghu bom lo. Setame kiphur adim along damplutsi ketharle dam mate kanghap damchek pu keklem abang avelang, bonta Chiti niphai pli arni Bikramsing Rongpi Assistant Conservation of Forest (ACF) anghoi nang kachingni pen alangli amethang chithur plutsi lapuson asai kedeng damthek aphuthak cheroktok abangphu-bangphi atum kachoro pale.
Aronre sangti kiphur atum do-an aphan nep lapji lapen aron ateng pen ingsaiji anparta aronre sangti kiphur do-an khang etji pusi ACF Rongpi asangho ningje.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives