ADVERTISEMENT

This area is available for advertisement. Please contact for details.

Arnivang
Get Adobe Flash player

Akhil Gogoi aphuthak Sonowal sorkar atum puthot bidi kanglim keklem thu

Akhil Gogoi ke ULFA pen kacherap do; aronre pen risim kachibi pu police atum kamatha thap pen karbok

GUWAHATI, Chiti 19: KMSS jabang Akhil Gogoi aphuthak Sarbananda Sonowal sorkar a police atum bidi kanglim klem bom lo. Assamese akhei apran keraiji aphan kenangsot pulote risim otji pu kaningje alam ajoine det ahotur pu akoi pisi Akhil Gogoi aphan nep ingnangsi Sarbabanda Sonowal nonke rat atum ning kangsmse alam arju nanglo. Isivet amai, isivet alamthe lapen isivet alamhoi pen bang hini pen inut aphan kenepchot asai keklem aron karkan aphuthak hur chodut lo. Lassi Assam police atum didi kanglim klemsi atumi court along Akhil Gogoi aphuthak ULFA pen kacherap do lapen aronre risim kachibi pu heihui aning arlo kamatha thap alam akoi van lo. Lasonsi Sarbananda Sonowal sorkar atum police lapen aron atang rim pamekake pen Akhil Gogoi aphuthak bidi kanglim keklem asai langno aphuthak sodak pinremsi pini KMSS tiri asaihem along pherangke amai pangni. ULFA pen kacherap do lapen aronre risim kachibi pu heihui Akhil Gogoi aphan police atum akoi karvakthap alam anke ahok kali pachobai saide pusi pherangke amai along KMSS jabang atum Bhasku D Saikia, Anil Bodo lapen Mukut Deka atum ningje. Police atum lapuson asai keklem ke Assam along klempar aphurkimo ki-ik kibi ason lo. Sorkar atum aron deng pamekake mate rim pamekake pulote lasonsi klempar ta kebat i.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives