ADVERTISEMENT

This area is available for advertisement. Please contact for details.

Arnivang
Get Adobe Flash player

Longle henlo echethe

––– Baliram Teron, Diphu

Inut Naga a leader isi a magazine along Article ketok alongsi neli laso alammo kaporhi long. Haladak ketok ke lapu henlo ‘Land is Live’ longle henlo echethe. Koson pensi longle kacherai (protection) jima laso aphuthak si ketok. Eson abang ke Land of Authority lake District Council kachari atum henlo. Longle a patta kekhang pasodak nangji atum lo. Eson abang ke inglong aso akhei a arloso atum bang akhei (kona aso) aphan kedo khangvek nangji; athe arloso ke longle ateng lo. Eso ingjir jongsi kona aso aphan kipilo pulote longle kethak pon ason lo. Ako longle ta pivek nangpo. Athe so chinghon duk pu alam nangle lipo. Eson chipi det aphi ako akur pon lipo Rongpi, Ronghang, Teron, Terang paman thu lipo. Anke kachepad-ok pon pame lo. Laso cheap-ok pond et pulote khei nangman dun po pusi ili kamatha ma? Kai penta khei nangman dunde athe avi ke bang avi, avi atengsi aning angthin ta manji. Example vo-ak pen vo kuku (Kulisorai) latum kipu kelang ke ejatvet nangnak bonta as eke prekjam. Vo kuku atum kea tar do lapen char-um. Vo-ak atum kea tar do lapen char-um. Seta Vo-ak atar alongsi Vo ku ku atum ke pati dun po vo-ak abang char-um po. Mo aso vang lote Vo kuku atum ke ingjar pung po, akhei along chedun jui po. Kangreng jita ku ku pusi pupo. Vo-ak ke char-um pi nak po. Aso chipu dun seta akhei puke chepu dun longle, athe achili prekjam apot lo. Mo ili Karbi akhei ta duplicate Karbi dopik tang lo. Karbi alam ningje thek pame apot ekhei lo pu chipu un-eh. Evi ke prekjam apot aning angthin ta prekvek po. Non ili Karbi hejan angbong ta elam ekam kachetonte atengte Karbi hejan avi ta DNA asatlang che-en meme lo. Karbi binong avi ma kapangvui avi ma. Athe Karbi hejan si chehili varet lapen kachingri kave kachinghon kave ke ili Karbi akhei along lit chot. Karbi hejan ke man honman kachipi ave. Lahai langji pu lote nangli arleng kethe atum along dam non. Kona aso atum aphan ke adungsi chehangji, kona aso atum pen chingki det matik ke nangliphan nang ingkike. Ingki chit seta chingki prui an chotji. Bang aso pen pulote kangnek kaningje ji lake kethek longver amohor lo. Kachingki long pameji ke vote nang kachohang ahut anchotji.
Hako ne inut a-oso aphan chopangreng do. Inut a miya pi kidukso kali nelongsi phule kangthi peh kechok akam keklem. Aso ta thi-ih vok lang. Nephansi chopangreng det non pu amat nangpi det. Nesi chopangreng lo, pathe padding lo. Laso a oso miya atum aphan akele lang selet pik. Nehem kevang miya aso atum aphan pulote kangchek dunji kangton dunji titi. Amena ta miya asolo puke chemathathe. Ne munthi bom kosonsi miya aso le miya atum aphan kelang selet varet ma laho pulo. Penang an aningkan aphi laso a miya aso apei nelong vang thu lo, aso aphan nang kachelang. Ne laso ahut laso amiya pi aphan laso alam than lo. Nangsopi kopi chonghoi lone miya atum aphan lang selet pik, amena ta miya tangdet ta. Apei abang Alamo nang chethan lo, ne penan apiso bang kethom neke akibisi lo, ladak Nagaland nang chongdat dun ahut nephan ke nang van det lo. Aphi ke ako ne penan abang adet chedam thu jui lo amat nephan ke nang tekang bup lo. Neta Naga ahemsi do dun bom lo, amat Naga pen aso chopathelok lo. Naga abang ta neso kali nang penan pen aso pu amat nephan ta nangplung jui lo. Lasi neta chongdat bom chobom lo. Lasi ahokpet abang ke lasoso ke Naga aso, Miya aso kali pura nang chethan lo. Lasi lahai pen langdam pulote monit ke avi pensi adur a-ot keman pu matha melo. Non ili Karbi atum asopi aphan kona aso chopipo Karbi akur ponpo, Karbi pinchong ponpo longle phelang chepek po, kona aso atum ke abidi dokok anke chepaplang oh po, bonta laso amonit Karbi akhei aphan kanghon kajinso ave. Karbi akhei aphan pinrem thu rongji, athe Karbi avi kali det ke lasi ove kimi atum lahai aphuthak munthi parsik nangji bang aso ke ale chori thek-oh. Athe bang aso ke abidi reset akhei avi dokok. Nangphan aning dok pik asonsi cheparjan po athe ale kelongji chini pame Karbi akhei ke kilu akhei pinak lasi chepalu atum dopik lo. Lasi bang akhei atum ale long bom lo, mo padu ke bang epa-ok pon thip po, ekhei ke virdet po, longle phelang ta bangsi chepahemphu po. Non ta laso ang-ang si vang bom lo. Jongsi khei ajakong cheharjakji lepute (i) kona aso alongle a patta an than lap nangji, (ii) Kona aso aphan kur kepon ington nangji, (iii) Kona aso aphan kedo atum aphan boycott nangji lapen kona aso kedo atum aphan khei hejan pup u ponpe det nangji. Kona aso atum Karbi nang kachekrong dun atum aphan Karbi a homaj along dim pekpe det nangji. Kenangsot ke longle pen arloso lason ni kona aso aphan pilongle pu aron pasodak nangji lapen kapatepek aphanta nepra adai pasodak un nangji majok akhei ta amena mena ahomaj do lapen amena mena a homaj alongsi chedovet bonta ili Karbi atum ke-eh mena ahomaj ta chepangbo po. Naga atum kipu do kam dibo poisa dibo ki lage dibo kintu mati aru chukri nadibo puhelo lapen puthu chukri lolebi mati tu nadibo. Lasi don marli chini pame masi longle henlo echethe lo.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives