ADVERTISEMENT

This area is available for advertisement. Please contact for details.

Arnivang
Get Adobe Flash player

Pini district hini a BJP asongja lapen KAAC MAC do-an atum pen mai ingniji

BJP asongja Jamwal Karbi Anglong nang kahumri

UntitledDiphu, Chiti 13: Pini arnikangsam NE state BJP sankur chunbang (sikdang) Ajay Jamwal lapen ari sangho State BJP ajabang atum Karbi Anglong along nang nang kahumri.
Alangli aphan kedeng amai Diphu Amlapathy Dimasa Club along ingni. BJP-Karbi Anglong District committee (East) ameiphu EM Ratan Teron kachepahemphu amai along BJP state committee sankur chunbang Menkan Barman, Women social welfare board chairperson Krishna Barman atum pen chenglok BJP-KADC (east) dun meiphu Rolen Ingti,  BJP Town Mondal committee ameiphu Dhiren Tokbi lapen kaprek kaprek atum chetong dun.
Mai along Women Social Welfare board chairperson Krishna Barman pen beti bachao, beti padhao pu alam pen pangchengsi government pen oso kachepathe bom arlosomar atum apharman pen chenglok arlosomar do-an kapachingthurji aphan kedeng kaprek kaprek scheme aphuthak than tekang.
Central along BJP kachari ningkan 3 ra ebeng pleng tang lo, lason thakthak state alongta ningkan isi par etlo pu kamatha lapen Pt. Deendayal Upadhaya ningkan 100 mahang kethek katalon aningkan pu heihui alam pensi Manipur, Nagaland lapen Karbi Anglong pen Dima Hasao nanghumri lo pusi BJP tiri sankur chunbang Ajoy Jamval mai along jai.
Pt. Deendayal Upadhaya pensi kedamtang 1951 aningkan Pre achiklo niphai 21 arni BJP amahang pathek lo. Laso ateng BJP arta pining an ningkan 66 plengtang lo. Lason ahut BJP amahang kapathek abangphu Pt. Deendayal Upadhaya amahang kethek arni non kevangji Chiti 25 arni talonpo puta than.
Lahai alam BJP klembang atum anuttinta kachini nangji kenangsot athe methang asong alam klembang atum chinine pulote akaprek atum aphan kethan damji akisung dokok puta mai along BJP tiri ajabang Ajay Jamwal jai.

Leave a Reply

Your email address will not be published. Required fields are marked *

BREAKING NEWS
September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives