ADVERTISEMENT

This area is available for advertisement. Please contact for details.

Arnivang
Get Adobe Flash player

Kheroni Dispensary along KAWJF kahumri dam

UntitledDiphu, Chiti 13: Karbi Anglong Women Justice Forum atum pen Karbi Anglong angkang kaprek kaprek apharmacy lapen hospital along kahumri dam asai deng lo. Lason ahut meiphi Beaulet Beypi kejalin KAWJF asongja Nirupoma Teronpi, Jilyn Rongpipi, Sabitri Inglengpi, Junaki Tokbipi atum West Karbi Anglong Kheroni dispensary along humri dam.
Laso ahut seh kachelang atum katora lapen constituency isi along seh kachelang adim elongvet ajoine katora thedung lo. Laso seh kelang ahem along doctor bang kethomvet, la-an chot kali staff kedorde akatora heihui thek dam longlo. Seh kelang ahormu kave det ajoine doctor atum ari peparpu lok anvet lo. Keso atum kapasangji adim anta haladak arat atum pensi selampi lo.
La-an chot kali seh kachelang atum aphan akejoi pen kipi nangji adovai heihui anta laso aseh kelang ahem along ave. Karbi Anglong Autonomous Council ningkan trok kep plengdet aphita West Karbi Anglong arlo lapuson Nurse inut kave a seh kelang ahem kedo ke ningduk meme binong.
Ok pran ahin kapachingthurji aphan Karbi Anglong arlo kedo MP, MLA, KAAC CEM, EM lapen MAC atum ardi chipisi sai klem nangpi pusi Karbi Anglong Women Justice Forum atum choningri pusi KAWJF ameiphi Beaulet Beypi birta pachetak.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives