ADVERTISEMENT

This area is available for advertisement. Please contact for details.

Arnivang
Get Adobe Flash player

Dawood Ibrahim kuti 40,000 Akhi-adat UK sorkar atum kacheparideng

London, Chiti 13: Underworld don Kaskar Dawood Ibrahim (61) akhi-adat kuti 40,000 amui UK sorkar atum cheparideng bomlo pusi Indian goverment aphan pachini.
Kedamtang achiklo kapaklang “UK Treasury Department consolidated List of Financial Sanction Target list” along Dawood Ibrahim amen klang dun. 2015 aningkan Dawood Ibrahim aphuthak aloh do-an Britain arideng pilo.
Midland ahavar along ongdung khi-adat pen chenglok Warwickshire alongta don Ibrahim amethang hotel do, lahai pangrumpet ador US Dollar 6.7 billion ando. Ibrahim akhi-adat kuti 40,000 amui Britain sorkar atum cheparideng lo pusi Home Ministry aphan pachini.
UK sorkar kejapen Ibrahim akhi-adat kacheparideng ke ihin anathu lang dam pulote India sorkar diplomatic ahin kehai angthek lo.
1993 aningkan Mumbai along bomb kapangbop ahut bang 260 amonit kithi lapen bang 700 areng keso do. Mumbai along pardunron kangbop along Dawood Ibrahim adai do pusi paklang. Laso aphi Ibrahim India pen kat juisi Pakistan adet anat  chepachong dam seta laso alam ahok kali pusi Paksitan kaningje. Ibrahim ahokhe amen pen kacheklang lok 21 do. Al-Qaeda klempar asong penta Ibrahim kacherap do lapen det 15 along global criminal pusi alangphan kehok.
Kethan atengke sailangno keklem ahin pirthe along pen Colombian drug lord Pablo Escobar adun ke Dawood Ibrahim helo keplangnei pusi kehok.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives