ADVERTISEMENT

This area is available for advertisement. Please contact for details.

Arnivang
Get Adobe Flash player

Session along China adet kasonse ahormu aphuthak alam paklang

GUWAHATI, Chiti 12: Pini Assam Assembly session along China adet kasomar ahormu aphuthak AIUDF a MLA Sahabuddin Ahmed ningje. Session ahongjai along Alangli kaningje ke sokar atum patirpi pen Assam along China a hormu chethang pik lo. MLA atum aphan kapajir laptop, printer heihui anta China adet along kasomar ahormu saide. China adet kasomar ahormu rim nangne pu kachoningri a sorkar atum ami aphu klimdet pusi MLA Sahabuddin Ahmed akoi pi.
Halapu sah kachongdat atum aphuthak Assam Chief Minister Sarbananda Sonowal ardi pisi alangli kaningje ke Sah kachongdat atum aphan  pachingthur nangpo lapen kisung keboi do-an kapajokji aphan sokar atum arjap po. Sah akor pami thusi puthot kapachingthurji aphan avarsai klem ponji anparta Assam along choki-chokam amo ahin kapangtang ponji aphanta klem nangpo. Bang 40 lakh kachongdat atum aphan kedorplup aron deng nangpo pusi session along penang an ardi kedo kachingvai alam along Chief Minister Sonowal ardi pi. So-arlo, ok-arjang lapen honghap hongru atum aphan akaprek arni (Separate day) kehotji aphanta ardi pi. Sah kachongdat atum kachepaduk ajoinesi Assam a sah pirthe along chethang damlo lapen aman longlo lasi sah kachongdat atum akisung aphuthak pachun nangpo puta ningjesi team Assam alam aphuthak ta alangli ningje.

Leave a Reply

Your email address will not be published. Required fields are marked *

September 2017
M T W T F S S
« Aug    
 123
45678910
11121314151617
18192021222324
252627282930  
Archives