ADVERTISEMENT

This area is available for advertisement. Please contact for details.

Arnivang
Get Adobe Flash player

Rohingya Muslim: UN kapinrem aphuthak India ardi dojot lamvoi kipi thu

New Delhi, Chiti 12: Kedamtang arui prime minister Narendra Modi Myanmar kahumri dam ahut 2016 aningkan Myanmar pen  India adet kevang Rohingya Muslim arat aphan puthot ketoi thuji aphansi pinpur lo.
Kethan ateng 2016 aningkan Myanmar along soluk-sodak atemon kedo ajok Myanmar pen suri 40,000 Rohingya Muslim atum India along vanglo. Laso angbong bang 16,000 atumke refugee documentation angthek long etlo. India along arni dingklui pen kebe-keche aso Rohingya Muslim aphan boha chak lo non puthot amethang adet ketoi thuji aphansi India sorkar kachisik.
Rohingya Muslim arat aphan India pen toipo pu kacheparai aphuthak United Nation Human Rights (UNHR) akehoi Zeid Ra’ad Al-Hussein pinrem.
India adet along chainong keraikom amen pen adai kave amonit apran karmut lapen pherangke klembang Gauri Lankesh aphan pathilot ason-son alamki kachetong aphuthak jongdamsi amethang adet along soluk-sodak atemon dobom aphita Rohingya Muslim aphan ketoiji aphuthak UN sodak pen kapinrem.
India atum Rohingya Muslim aphan kachenek-ot adim along puthot ketoi thuke meme pusi UNHR chief ningje.
UN kapinrem aphuthak India ardi dojot pen lamvoi pidunsi India along dobom aron independent judiciary, freedom of press, vibrant civil society, Human Rights lapen Rule of law aphuthak ning chethepik pusi pu.

Leave a Reply

Your email address will not be published. Required fields are marked *

September 2017
M T W T F S S
« Aug    
 123
45678910
11121314151617
18192021222324
252627282930  
Archives