ADVERTISEMENT

This area is available for advertisement. Please contact for details.

Arnivang
Get Adobe Flash player

Private tuition kethan arni pabat nangji: KSA

Diphu, Chiti 12: Karbi Anglong arlo ongdung charli osomar api apo atum ke boidet asonsi theklong. Lason ahut osomar atum loh kacharli ador kesopik ajoine api apo atum penang kisung do. school a fee ador keso chot kali bonta tuition ador keso ajok ongdung charli osomar atum kacharli kapatang un-eh rong kachevui thunang atumta do-oh khang lo.
Laso ahut Karbi Anglong arlo government school pen chenglok Private school along Assamese a subject ke-envek nangji kapinchong det kaprek kaprek akhei aphan keberthipji asaisi klem lo pu heihui alamthe jong dunsi KAAC Education EM Jagatsing Ingti arideng pinpur aloh pajir dam.
KSA atum pen kapajir apinpur aloh along Don Bosco school along class X kacharli a osomar angbong Math pen Science kethekthe muchot atum aphan sika 500 anam ensi coaching kappa-envekji aphan thik lo. Lasi Coaching anam pajum nangji, NEET & JEE aphan Eureka coaching kipi anamta pajum nangji lapen thanbang atumta apun achak kechok atum nangji.
Private tuition kethan atum ador keso pen tuition kethan arni jumpik, lasi private tuition kethan atum akijumnai seta chiklo ejon along ni krepho an tuition than nangji. Arnikangsam pik an tuition kethan ajok charli osomar, api apo atum aphan thedung akasiksak do.
Karbi Anglong Autonomous Council atum akimi lapen scientific aron pen Karbi Anglong arlo kedo loh kacharli aosomar atum aphan abidi deng nangji pu heihui alam KSA atum pinpur aloh along jong dun pusi KSA ameiphu Simeon Rongphar lapen sankur chunbang Thomson Rongpi atum birta nangpale.

Leave a Reply

Your email address will not be published. Required fields are marked *

September 2017
M T W T F S S
« Aug    
 123
45678910
11121314151617
18192021222324
252627282930  
Archives