ADVERTISEMENT

This area is available for advertisement. Please contact for details.

Arnivang
Get Adobe Flash player

Nagaland along IED kangbop; bang 3 Assam Rifles areng keso

Kohima, Chiti 12: Nagaland, Tuensang alongri arlo Noklak sub-division angkang Pangsha asanchom International Trade Centre (ITC) Dan adung honthe meme NSCN (K) klempar atum Improvised Explosive Device (IED) pen katengkheng ahut 15th Assam Rifles saikhi bang kethom areng keso dolo.
Pini Assam Rifles saiphu kethan atengke kedamtang arni 15th Assam Rifles saikhi atum arnivang ason Indo-Myanmar international border along patrol duty kedam ahutsi IED kangbop pusi pu. NSCN (K) klempar atum Myanmar pen vangsi Assam Rifles saikhi aphan bomb pen katengkheng. Kangbop ahut inut raikom saikhi areng keso ahirtangrak lo lapen kaprek bang hini atum ta areng keso dun do.
Adung kedo rong asor atum kethan atengke risim ke-ot klempar atum Myanmar anat pensi kevang. Latum Assam Rifles saikhi aphan tengkheng si aphi Assam Rifles jawans atumta hile ke-ap dun ahut ke klempar atum katruk pusi pu.
Areng keso Assam Rifles saikhi atum aphan ingthum damlo seta pu-pu ta apran kedam done avene puthekthe lang.

Leave a Reply

Your email address will not be published. Required fields are marked *

September 2017
M T W T F S S
« Aug    
 123
45678910
11121314151617
18192021222324
252627282930  
Archives