ADVERTISEMENT

This area is available for advertisement. Please contact for details.

Arnivang
Get Adobe Flash player

KB-KADC atum Bharat thur non pu ajaimek dengsi kekat asai deng

UntitledDiphu, Chiti 12: Kreeda Bharati Karbi Anglong District Committee (KB-KADC) atum pen patirpisi Chiti 11 arni Diphu Government Boys Higher Secondary School pathu aklam pen Diphu-Manja kacheleng atovar FCI tovar krong pli kachetok along an Bharat Jaago Dour mate Bharat thur non pu akekat asaimek deng.
Chicago arongsopi along 1893 aningkan Swami Vivekananda somindar along lamthe kejai along pacheton dunsi Kreeda Bharati Karbi Anglong District Committee atum Diphu Governmet Boys School pathu aklam pen Diphu-Manja atovar FCI krong pli kachetok atovar an Bharat Jaago Dour mate Bharat thur non pu akekat pado lo. Bangso ajaimek Karbi Anglong Zila Sangha Pracharak Harsing Teron arideng pensi ingpu dun.  Kekat ahut FCI atovar an pale damsi puthot Diphu Government Boys pathu aklam along an palesi chingrum dam. Kekat asaimek along bangpharo hini sose arat atum chetong dunsi alanglitum aphan lang heihui tikrikam ahin pidun lo.
Bharat thur non kekat ajaimek tirikam pen Kamsing Hanse, Ghona Terang, Pradip Tisso, Putu Mithi, Monsing Teron, Kangbura Singnar, Wushu taekwondo karate lapen akaprek kaprek kapathu along anong kachethang abangphu bangphi atum anta chepate dun rinti. Diphu rongsopi along kedo kaprek kaprek a school along charlibom a osomar atum pen chenglok thanbang atum cheto dun.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives