ADVERTISEMENT

This area is available for advertisement. Please contact for details.

Arnivang
Get Adobe Flash player

India along kechengsi bullet train selam po; PM Modi pen PM Abe atum arideng pensi long-e somji

NEW DELHI, Chiti 12: India along kechengsi bullet train project asai selamle aprang prime minister Narendra Modi pen Japanese prime minister Shinzo Abe arideng pensi long-e som po.
Bullet train puke train do-an penta kechatnei lo lapen non aphong henlo India along kaselamchengji.
Chiti 14 arni pen Ahemedabad alongsi bullet train kaselam pangchengpo. Bullet train technology kapachun ke transport sector ahin kachekirlami vanpo pusi railway minister Piyus Goyal than. 
Mumbai pen Ahmedabad  adak kilometre 508 ajak kachelengji bullet train kaselamji aphan kuti 1,10,000 atangka enpo, Japan atum 1% interest pen kuti 88,000 atangka nang param lo ningkan 50 angbongsi laso atangka chevoi thu nangpo.
India along akimi technology paprang dunpen katikitang ahormu kasalon tame sai tiki arat atum varsai long dunpo. Kachingthurtang adet atum ateng India railways kachingthur ahin aprang keponji aphansi PM Modi kaheman pusi Goyal than.
Pinpurme Japan aphan bullet train technology ahin ketheknei pusi kehok. Latum kaselamtang a-bullet train chingkoike pinlang. Lasi India along bullet train kaselamji a-contract Japan arideng si hodai lo pusi Indian Railways, Infra Advisor, Sushant Mishra than.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives