ADVERTISEMENT

This area is available for advertisement. Please contact for details.

Arnivang
Get Adobe Flash player

DTC site office pen UC Bank asaihem kedam arpong kove, duma kecho atum ingthok het

UntitledDiphu, Chiti 12: PM Narendra Modi pen kachingthur adet kangthirjir ason ingthirjir nangji pusi det adangpi alongta ingthirjir pen kedo kethak thekji aphan ‘Swachh Bharat Abhijan’ asai pangcheng thu lo. Lason apor ahut KAAC alongta ‘Clean Karbi Anglong Mission’ (CKAM) mahang pathek dun lo. Anparta, alanglitum pen KAAC keparlo 30 asaikam pen chenglok school ahem, hithi, tovar, saihem heihui alongta ingthirjir nangji pusi alanglitum pen cheroktok amai anta deng lo. Laso ateng ongdung chokomar atum pen chenglok kethek kere arat atum anta cherap cheto dun lo. Seta, lapu-an cheroktok amai deng det aphita Diphu lang-ok ahithi adung kedo  Diphu Town Committee Site Office pen Union Co-operative Bank kedam atovar along  kove, duma kecho atum arpong alongsi ingthok het ajoine keter ke-er adim cheplang det.
Lasi, isi alongri pangthir nangji pulote town arlo pensi cheng nangji, seta non ke Diphu Town arlo along kedo asaihem pen amatsi lapuson kove, duma kecho atum arpong along kangthok het abangke CKAM pen Swachh Bharat Abhijan asai aphan panungkuk pamelo.
DTC site Office pen Union Co-operative Bank achokomar arnivangsi alanglitum kacheleng. Pu inut banghini atum aphan karju ahut kethan ateng pulote arum kedo lang-ok kejor, kulat kibi atum lapen ejahak rat atumsi bangso arpong along kapater pusi than. Lasi CKAM along arpu kedo atum lahei akulat kibi atum aphan kapangthir nangji aphuthak cheroktok amai deng thu nang lang.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives