ADVERTISEMENT

This area is available for advertisement. Please contact for details.

Arnivang
Get Adobe Flash player

Cheng buruk pen kum dengdong kerok aseke kecheng

UntitledDiphu, Chiti 12: Karbi Anglong Autonomous Council a Art & Culture a EM Rupsing Teron ingpu dunsi pini pen Lorulangso Rangsina Sarpo cultural hall along ni-kep apharman Cheng buruk kithip lapen Kum dengdong kerot aseke kapangcheng.
Cultural Affair asaikam a director Hemari Tokbi kachephemphu amai along alohi sarpo aman pen KAAC Art & Culture a EM Rupsing Teron chetong dun, mai along KCS ameiphu Chandra Sing Kro, KAAC joint secy Dhaneswar Ingti, Hemphu Mukrang Adorbar Lonse Timung, TCRO Rani Terangpi, Rasingja Asong pen Kasang Beypi lapen KTT sankur chunbang Joysing Tokbi pen chenglok kaprek kaprek man kedo atum chetong dun.
Mai along kachetong dun alohi atum pen alohi atum pen bang 50  sose seke ke-en dunji abangphu-phi atum charli dun pame nangji pusi than pare tekang. La-an chot kali kacharli atum certificate kelongji aphan chot kali det nangji. Charli dun pamesi Karbi jutang lapen Karbi akhei amirdong prakso kapachanji aphan bor-i nangji puta than tekang. Karbi akhei along ove kimi atum methang akhei amirdong prakso pen anparta bang akhei alun alam kacharli dun kappa-ong munak aphuthak Karbi Cultural society ameiphu Chandra Sing Kro ningkangsamse chepaklang.
Karbi Cultural Society atum pen chelangsi kevangji aphong pen laso a seke a constituency tin along kedo KCS Zonal committee alongsi paman dampo. Laso ahut KCS Zonal Committee along kedo atum anta kacharliji aning kehang atum ke seke en dun longpo. Lapuson jongsi klem pulote jutang apharman keklem bom atum aphan thedung ale longpo.
Art & Culture asaikam ke kibinai asaikam pusi matha seta isi akhei aphan pulote laso asaikam ke akenangsot nai lo. Jutang along ke khei dhorom alam ave ladak Karbi akhei atum an ke charli dun nangpo.  KLA, KCS lapoen Cultural Affair atum chelangsi jutang lapen mirdong prakso heihui kirim kapangcho aphan klem nangpo puta EM Rupsing Teron jai.
EM barim Bidya Sing Rongpi kachepaduk pen school tin along Karbi alam kapacharli long lapen kapathan long apot choro vek nangji puta Rupsing Teron jai. Laso aphi seke ke-en dunji atum aphan than paresi tekangsi nikep apharman a seke ta ingpu tekang lo. Mai kapajut ahut Cultural Affair asaikam a Director Hemari Tokbi kacharo alam pajir mai ta pachetak lo.
Nikep apharman Cheng buruk kithip lapen kum dengdong kerot aseke along Pratap Ingleng lapen Bidya Sing Teron atum pensi seke than po. Laso along bang phokep abangphu-phi atum charli dunji.

Leave a Reply

Your email address will not be published. Required fields are marked *

September 2017
M T W T F S S
« Aug    
 123
45678910
11121314151617
18192021222324
252627282930  
Archives