ADVERTISEMENT

This area is available for advertisement. Please contact for details.

Arnivang
Get Adobe Flash player

BTAD along prapjin pen hum 4 Deendayal college kimpo

Ningkan 2 angbong thanbang atum B.Ed Degree patang nangpo: Himanta

GUWAHATI, Chiti 12: Deendayal amen pen college kikimji pu aphuthak Assam adangpi sodak kekhamkhe kedobom apor ahut pini education minister Dr. Himanta Biswa Sarma ahin pen BTAD along prapjin pen humpli akimi Pandit Deendayal Upadhaya model college kimpo pusi pangdak. Song-hamphang asong lapen arleng kesar kethek-kere atum kekhamkhe along ardi pipe detsi pini assembly along education minister Dr. Himanta Biswa Sarma laso alam pangdak. Himanta Biswa Sarma kapangdak thuke MLA atum kiri aning kehang ateng pensi Deendayal college aphai do po lapen MLA atum hang pulote lake kim vek po.  Neli kopima keklemji pu kamatha klemvek lo lake kedamtang ningkan 15 ahutsi kado kave atumta thek long bom lo. College aphai kijumji puke alam amatsi ave. Deendayal Upadhay amen pen college kikimji pu along kekhamkhe dun hamphang asong atum aphan pinremsi rat atum aphuthak khamkhesi sorkar atum Deendayal amen pen college kikimji pu lake pini Himanta Biswa Sarma klardak angthek paklang dak lo. Education aphi non abangke ok pran kelang asaikam alongta gunatsav padoji puta Himanta Biswa Sarma assembly session ahongjai along pangdak. Kemesen loh kecharli ahin kangthur ponji aphan thanbang lapen loh charli osomar atum angbong nonhetjong Gunatsav asai pado det aphi non ephongke ok pran kelang ahin kapachingthurji aphan gunatsav dengpo pusi Himanta pangdak. Helongving mate atok -ano asanchom malom loh kethanbom so -arlo TET a thanbangphi atum aphan katerekji aphan sorkar atum chingvai bom lo setame so pinso atum aphanke terekre. TET thanbang apharman B.Ed degree abangke kenangsot puta ningjesi ningkan hini angbong anutin thanbangphu bangphi atum B.Ed degree patang nangpo. Laso ajoine thanbang atum jongsi kesangji (leave) apor chohangpen pulote avarsai piji lapen chiklo bainong kai ason piverji puta ningje.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives