ADVERTISEMENT

This area is available for advertisement. Please contact for details.

Arnivang
Get Adobe Flash player

Brahmaputra aphuthak non amat ke hydrological data pipelang: China

Beijing, Chiti 12: Brahmaputra alangroi thepi kekhangji aphan non amat ke hydrological data pithekthe lang pusi China kipu. Laso aphuthak Tibet along  data kapangrum klem bom lang. Sikkim Nathu La atovar kangpuji aphuthak India sorkar pen kachingkiji aphan chisik lo pusi Chinese Foreign Ministry lamjaisapo Geng Shuang pachini.
Pinpurme aningkan vangta Assam alongri Brahmaputra aroi thepi lang kanglum ver ajok khi dat pen danglok penang amonit apran kedam do. India sorkar matha parsik damsi Brahmaputra aroi thepi kekhangji aphan China aphan hydrological data hanglo.
China atum Aru 15 pen Vosik 15 angbongsi hydrological data nang kipiji aphan apor hot lo seta nat-nat det angbong Doklam alamki kedo ajok alam pasangkok lo.
Puthot Doklam alamki ingsam thulo bonta non amat ke hydrological data pi thekthe lang pusi China pu thu. Anparta Sikkim along Nathu La atovar kangpuji aphuthak India sorkar pen kachingkiji aphan aning kehang chepaklang. Cheklo jon ni aprang Sikkim Nathu La atovar cheleng longle det ajok India asor aphan Tibet ahavar   Kailash, Mansarovar padam longle detlo.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives