ADVERTISEMENT

This area is available for advertisement. Please contact for details.

Arnivang
Get Adobe Flash player

Ningkan 18 arta pilot kacheman pen guinness record along amen kachethap

MELBOURNE, Chiti 10: Ningkan 18 arta inut Australia adet ariso Lachlan Smart pilot chemansi  somindar vaikang rot pangjar lo. Smart arta kijumhek ahut pilot kacheman pen Guiness World Record along amen chethap lo.  Ningkan 18 arta kepleng Lachlan Smart   ni 54 angbong  somindar vaikang  km 45,000 ajak kiding rot pangjar dam pen alang Bhomti arni Sunshine Coast Airport alongsi Cirrus SR22 arot nang pasun. Det 15 angbong long 24 adim along Smart rot pasun damlo.
Pinpurme US pen Matthew Guthmiller arta 19  chiklo jon 7 ra ni 15 kepleng arta ahutsi  rot pangjar pen Guiness World Record along amen kachethap, Matthew record aphi bikoksi Australia pen ningkan 18 kepleng Lachlan Smart  Guiness Record along amen chethap thulo.
Lachlan Smart rot pangjar bom ahut batai ko an ma kapasun GPS data pen kelang chari dun pen  video footage hei hui ta paklang.
Ovemi atum thetan ason kachemanji aphan amang heman pute pachunvek un pu aning kirung ponji  aphansi ne kemang Lachlan Smart kipu.

Leave a Reply

Your email address will not be published. Required fields are marked *

September 2017
M T W T F S S
« Aug    
 123
45678910
11121314151617
18192021222324
252627282930  
Archives