ADVERTISEMENT

This area is available for advertisement. Please contact for details.

Arnivang
Get Adobe Flash player

Kachingthur amo kapachun thekji aphan matha rinti nangji

Karbi Anglong ke papahipik lang, pachingthurji aphan klem nangji puke anuttin a Karbi ta ningje rinti lo. Laso kapachunji aphan pura anut-anut ta matha pen amethang-methang ki un angdeng pen klemdun lo. Lason keklemdun angbong pen risim ke ot atum ta do lo. Kachingthur amo kemang along ke kecho-kijun kachepadorplup aphan chot ta kali; lang, tovar lapen kachongdat adim ta do-o nangji. Kachingthur amo kevanji aphan kechengsi ili tovar pen danglok ha meh ajakong (Electricity) anta dorplup nangji. Kapachingthur amo jongsi pado-oji pulote industry ke do vek nangpo, laso alam ke kado kave ta chini hur lo. Non dak methang alongri along jongsi industry vang nangji pulote meh, lang lapen kacheleng atovar me-o nangji. Tovar jongsi ave pulote dak elong kedo a raw materials anta angtan pon un eh detji. Lasonsi ason-ason a communication akenang pen danglok ke lahai a raw materials ale ke enji aphan majok a company ta vangve lo. Non abang ke lahai an aphan ingthanpet pen kapachingthurji aphan keklemji kali govt. pen ajat kachingthur amo le deng seta kapachunji aphan sai keklem aphan vang hai vangve det. Lahai thetan-thetan kachingthur amo keklem ke angtan pen thetan-thetan a company atumsi vangji. Non jongdam lonang, Diphu along amatta Manja-Lumding kacheleng 2-Lane atovar kibuiji aphan isi a company vang lo seta chirui thu jui. Kopi apot lo? Lake tangka kehang dun atum ke do-o ajok lo. Lahai pen amat tovar asai kichun kapaprapjinji kali non abang ke lahai asai keklem atum ta ha kat thulap. Laso kapakat long ajok kaprek a company atum ta non ke vanghai vangve lo. Kaprek a company atum ta kero mute kachingdatsi keso pu asarlamthe asonsi kangdak angtong abang kethetan ajok akaprek a company atum abang ladak vang hai vangve lo. Lasi lahai along kelangdunji arpu rat atum pen amat thurpak, ma kali te ratsaiklem (Social organisation) asong atum pen amat thurdunpaksi lahai along keraidun pen kacherap abang do nangji. Lahai asai keklem a company atum aphan lahai pen jongsi pajokdun thek pulote bang ningme-rengno pen kopene akerap ke nangpi vekji seta lason kether-kehap pen kehang aphai kapardihup ke bang ta archak un eh. Athe lason kehangdun ke isi hini asong chot kali seta do-o asong pensi hangdun prung titi. Laso pen akaprek abang ke lason along le cherinti te pulote eson bak a Formula chesemar nangpo. Jongsi lapu ta kali lapu ta kali pura kachetonte amat kehang abang padorut pulote ha kijut ke isi vet lipo.   
    Non lahai kehang pen sai kethe amokha keklem un eh ke isi kethetan athe lo seta la ajahak aso-asa asai amokha dak methang kachoklem un pen keklem adim anta asai keklem amokha keme-o ke kali lo. Kapaheno asai keklem nang kok ke lahai a contractor atum Tax lapen Percentage pu kehang kedo-o ajok lahai atangka kapachepleng ke lahai contract asai keklem kaphalangno pen anchot lo. Laso pen aphi abang ke jongsi Karbi Anglong arlo thethetan-thetan central a scheme padengji pulote Guwahati lapen ha Delhi along tangka thok nangkok. Seta lahai akaphereso jongsi do pulote lason arpu ke enplum amonit long athai ave. La an chot ta kali, mo kachesong mate tangka-maha padamdet pen ta asai paklem longle pulote lahai amonit konat pensi tangka kachepapleng po? Laso kapahere ajok Karbi Anglong ke paprang thekthe det. Lasi nonhet UPDS pen kachetok a Lamdon along kedo tovar lapen ajahak kethetan a scheme kichun thekji aphan matha meme lo.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives