ADVERTISEMENT

This area is available for advertisement. Please contact for details.

Arnivang
Get Adobe Flash player

Tangka pen chokamar kenam ajoine bang 3 ACS asaiphu atum aphan asai pen kangthan

GUWAHATI, Chiti 9: Assam Public Service Commission (APSC) along kedamtang arni lamki keklang ajoine Dibrugarh police abitung atum katarlip ahut APSC along kachopanglim ateipo APSC chairman barim Rakesh Pal lapen ajahak asaikhi atum aphan nep lo. Tangka pen chokamar anghoi kejor-kenam abe keklem ajoinesi alanglitum
jail chethap nang lo setame alanglitum non jok thu-et lo. Bonta police atum katarlip kapaso ajoine komat-matsi tangka kipi pen inghoi kenam ma aphuthak ta katarlip et ajoine pini bang kethom ACS asaiphu atum aphan pangthek lo. Hala bang kethom ACS asaiphu atum kedamtang arni APSC chairman barim Rakesh Pal aphan tangka pisi anghoi kenam ajoine pini alanglitum aphan asai arpu pen ingthan pet lo. Asai arpu kangthan ACS asaiphu bang kethom atum Biswanath Helem-circle officer, Bhaskar Chandra Devsarma-Nalbari Barbhag circle officer Bhaskar Dutta lapen Patharighat circle officer Amritjyoti Sarma. Alanglitum kedamtang 2015 aningkangsi ACS asaiphu kelong.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives