ADVERTISEMENT

This area is available for advertisement. Please contact for details.

Arnivang
Get Adobe Flash player

Hamren along Swachh Bharat Abhiyan asai deng tekangsi Governor Guwahati kachedam

UntitledVOTHATLANGSO, Chiti 8: Ni ni apharman West Karbi Anglong district ahempi Hamren along nangkahumri Assam Governor Banwarilal Purohit pini Hamren arongsopi along Swachh Bharat Abhiyan kapangthir asai deng tekangsi puthot Guwahati arongsopi chedam thu lo. Hamren kacheleng atovar kaheno arlong buiroi setame Governor Purohit gari pen Hamren arongsopi Chiti niphai 7 arni arnikangsam apor pale dam lo. Alangliphan man-peng pen dengdset aphi West Karbi Anglong district keton-kelang asaikhi, saikam saiphu-chokamar lapen KAAC abitung atum pen chingki thak vet-vetsi atumi circuit house alongsi Governor ajo pangthang lo. Pini puthot alangli Hamren hithi kimi along arphek otsi Swachh Bharat Abhiyan asai kedeng along chetong dun. Laso aphi rat atum pen mai kangni ahut alangli Karbi Anglong ahavar abolon kedo aphuthak kachoro pajirsi ning kangsam chepaklang. Hamren along kedo lunsepo Dr. Bhupen Hazarika mai ahongjai along ta humri damsi Bhupen Hazarika aphan India along inut prekjek a lunsepo pu irsi amethang amatsi kachilun lapen amethang amatsi ate-ot kachesemar, lapuson alunsepo ke India along alangli inut vet lo pusi Governor choro. Governor Purohit Guwahati chedamde aprang Karbi richo lapen ari sangho atum chetong dunsi chepachini dun.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives