ADVERTISEMENT

This area is available for advertisement. Please contact for details.

Arnivang
Get Adobe Flash player

Jabang aphan katengkheng pen saihem kaphalangno apot pinrem lo: Simeon

Semson Ingti, Mondal Inghi, Rensing Rongphar, Sukur Bey atum aphan KSA pen sorplot

UntitledDiphu, Chiti 7: Pini porphai 5 apor Diphu Press Club along KSA (Meh thengtom) atum pherangke amai pangni.
Pherangke amai along KSA ameiphu Simeon Rongphar kapangdak ke kedamtang Paipai 28 arni Article 244(A) lapen KAAC kaparlo asaikam tin along kapanglim aphuthak Guwahati along kachesong asai deng dam lo. Seta Dokmoka ahavar kedo KSA lapen Jerikindeng, Longthat, Lanmepi, Jiribasa, Rikangmihom anparta Kheroni ahavar kedo KSA atum laso asaimek aphan boycott lo. Saimek kedeng pachun det aphi kado kave tarlip det aphi kelong ke laso asai kapachunche detji aphan Semson Ingti, Mondal Inghi, Sukur Bey, Rensing Rongphar atumsi bidi kanglim klem lo.
Laso adilung atum KSA Lumding atovar asaihem tengkhengsi meiphu Simeon Rongphar, dun meiphu Thomson Rongpi lapen pathu chunbang Peter Phangcho atum aphan Chiti pli arni abang papho lo. Laso ahut alanglitum KSA asaihem along kedo almira, tangka kereng sika 25,000 pondet lapen KSA atum kapangrumtang akenangsot aloh heihui anta hijik tekang et pusi Simeon Rongphar akoi pi.
KSA ke ratchari asong kali, lake khei apharman lapen khei along kechokche keklem atum aphan kelang dun asong binong. Laso asong kachariji aphan meiphu aphansi arpu pek lo, lasi meiphu si kado kave angdeng along anta ajakong do lo. Lasi meiphu aphan pachinine pin pen ajat asai le klem seta kechokche binong lo. Jongsi akenangsot do pulote klembang amai alongsi vangsi chingvaisar nangji puta pherangke amai along pangdak.
Lasi lapuson asai langno keklem Semson Ingti, Rensing Rongphar, Sukur Bey lapen laso bidilangno keklem along kacherap dun atum aphan KSA pen sorplot lo. Puthot meiphu pen pachinine tik ke alanglitum aphan deng thuthe lo. Laso atengsi KSA aro-arim along anta alanglitum aphan pini pen ke chak longle puta pherangke amai along pangdak.
Pherangke amai along KSA dun meiphu Thomson Rongpi, Bijoy Kro lapen kaprek-kaprek atum chetong dun.

One Response to Jabang aphan katengkheng pen saihem kaphalangno apot pinrem lo: Simeon

  • KSA ke khei amoi arbung lo puset le pini methang angbong kachesorsa kachekoi tap pen KSA kachethak phun ji angring ke therak thu meme lo eli Karbi akhei non pu an ta unity ave lang ningduk lo

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives