ADVERTISEMENT

This area is available for advertisement. Please contact for details.

Arnivang
Get Adobe Flash player

Thanbang arni ning arong kachipi ahut AUDCTA atum Black Day kapaman

UntitledDiphu, Chiti 5: Pini Chiti 5 arni kaprek-kaprek adim along ning arong pen thanbang arni katalon ahut Assam University Diphu Campus athanbang atum son pli alam aphuthak Assam University Diphu Campus Teachers Association (AUDCTA) atum ningduk chepaklangsi ‘Black Day’ paman dun lo.
Black Day kapaman ahut ingsamjin pen kachesong asai deng lo. Laso ahut AUDC a Pro-Vice Chancellor arideng pinpur aloh pajir dam. AUDCTA atum kapajir apinpur aloh along All India Federation of University & College Teachers Organisation (AIFUCTO) atum pen chingki-chethansi prapjin pen UGC 7th pay revision commission pachun nang po lapen pangdak nang po. Uniform aphan central government atum phant 100 tangka kerap nangpi nangji lapen university pen college thanbang do-an atum aphan 7th Pay Commission pachun nang po. 2004 pension scheme khinde nangji lapen kado kave thanbang atum aphan pension pi nangji. API lapen Orientation & Refresher Course aphan kedobom arni paprai nangji pusi jong dun.
Pinpurme, AUDCTA atum atumi Chiti 4 arni anerlo porphai 2 apor History department along mai ingnisi Chiti 5 arni Black Day kapamanji aphan cherai lo. Laso kacherai ateng pini Chiti 5 arni Black Day paman lo. Mai along thanbang atum loh kethan panahokhe seta fresher amai pen chenglok thanbang arni katalon lapen kaprek-kaprek amai along cheto dunde puta cherai. La-an chot kali loh kethan dam ahut thanbang atum ribon ki-ik chekoksi pensi dam po puta cherai lo.
Pini Black Day kamanji aphuthak AUDCTA sankur chunbang Dr. Vulli Dhanaraju AUDC along ajakong kedo atum aphan pachini paprang lo.
Pinpur thume, India a government pen UGC 7th pay commission kapachun kapanglen aphuthak kekhamkheji aphan AIFUCTO atum kapinkhat atengsi AUDC along ta Black Day paman dun lo.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives