ADVERTISEMENT

This area is available for advertisement. Please contact for details.

Arnivang
Get Adobe Flash player

Govt. seh kelang ahem along 1,385 anghoi kapapleng nangji dolang

GUWAHATI, Chiti 5: State ratpangri seh kelang ahem along doctor anghoi bang 4,223 lapen nurse anghoi bang 5,698 pek lo. Setame laso kepek along doctor anghoi alar state along kaprek-kaprek anatthu 1,385 doctor anghoi lapen 550 nurse anghoi kapapleng nangji dolang. Pini Assam Assembly summer session kangni ahut AGP  a MLA Phani Bhusan Choudhory ketokjir aloh pen laso aphuthak karju ahutsi ok pran kelang a minister Dr. Himanta Biswa Sarma chethak. Minister Sarma kapangdak ateng ke state along government lapen government kali along pangrumpet hum 1,220 seh kelang ahem do. Laso angbong medical college hum 26 sub divisional hospital hum 14, community health centre hum 164 lapen primary health centre hum 1,009. Anparta state along hum 4,621 sub health centre do. Laso angbong hum 278 sub health centre along inut ta nurse ave. State along kapapleng nangji kedolang doctor, nurse anghoi aphan kapaplengji aphan chisik bom lo pusi pangdak.
Congress a MLA Abdul Khalek karju ahut minister Sarma jaimek kapaklang ke state along non an kado kave hum 121 model hospital kikimji aphan cheparidengsi hum 86 abang ke kikim-kerang patang lo. Hum 23 kim bom lo lapen hum 12 abang ke non anta kikim pangcheng chelang.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives