ADVERTISEMENT

This area is available for advertisement. Please contact for details.

Arnivang
Get Adobe Flash player

Parivartan ratpangri ahut ta state along keton-kelang ahin ingduk vok lo

Kedamtang chiklo jon 12 angbong bang 1,321 apran karmut, bang 2,030 aphan kacholangrem

GUWAHATI, Chiti 4: Kedamtang Congress ratpangri ahut keton-kelang ahin pen danglok kado kave anatthu ta ingduk vok lo pu BJP atum akoi pisi MLA kilik ahut jongsi nangcherap dun pulote sankur arat atum aphan raikomji pu alam chechak lo. Laso atengsi rat atum ta BJP aphan ning chethesi MLA kilik ahut pahaisi Dispur chari anghoi pangni lo. Setame Sarbanada Sonowal kachari pajir po ratpangri atum chiklo jon 13 pleng tanglo, bonta keton-kelang mate keraikom ahin kapachingthurji kalisi aphi-ong aber nanghir ong asonsi thek long. Pini Session hall along MLA Imdadul Haque Choudhory pen Aminul Islam atum keton-kelang aphuthak karju ahutsi non kecharibom ratpangri atum state along keton-kelang ahin pangduk vok puke klardak lo. MLA bang hini atum laso aphuthak karju ahut home department pen transport minister Chandra Mohon Patuwary kethak dun ke, kedamtang 2016 aningkan Aru 24 arni pen 2017 Vosik achiklo an Assam along kanghu, docait, kacholangrem, kachongthui heihui aphuthak pangrum pet94,096 sai langno alamhoi deng lo. Laso apor ahut 2016 Aru achiklo pen laso aningkan Vosik achiklo an Assam along pangrumpet bang 1,321 apran karmut, bang 2,030 kacholangrem, bang 9,080 katengkheng lapen 1,514 kacharvo alamki do lo. Kedamtang aningkan Aru 24 arni pen laso aningkan Vosik achiklo an 164 docait, 1,058 kanghu lapen 7,034 kenep kanghu asai langno klem lo.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives