ADVERTISEMENT

This area is available for advertisement. Please contact for details.

Arnivang
Get Adobe Flash player

Kechokche pulote ilitum chesong nangji

Saising Rongpi, Diphu

2002 aningkan alanglong arnam asai kedeng kacherap dun arta kijum animsopi atum aphan kacholangrem amek ke-ong ajok adu chekomsi alang Baba Ram Rahim chingnanglo.
    Ningkan krepho Judicial procedures patang et aphi CBI court along police atum Punjab, Haryana along Gurmit Ram Rahim aphan kabisar pajutlo. Baba pu kekroi atum pirthe hijuk det an tumpra dut na pu kamatha si raikom saikhi kapaton.
    Monit atum lahenlo madu aphanta kekroi ning sejoi aret nangne. Monit aning kenep sungkrung. Ram Rahim aphan kekroi atum 5 crore bakdo pusi kachethang. Rat pangri atum lasi kerai chithi-chithi. Alangphan madu a police akehoi atum ta jat ta chopu haihe. Athe alangli ari dingpik. Lasi lason asai kachoklem atum ladak ilitum alom ta do. Seta ilitum alongke kachethan haihe lapen chesong dut haihe po chepangsam det titi amat nonputa arloso alamki jut un-e det lo. Lasi, ningkachedok amen pen, kelamrem-kelangrop amen pen, sakori kipi amen pen, bill kipi amen pen, kilik a ticket kipi amen pen, kiduk kerap amen pensi pinsomar atum keplang lapen jakong kedo atum lahai klembom.
    Lasi kechokche pulote ilitum chesong nangji. Ram Rahim aphanta Punjabi pi arta kijum animsopi bang hini atumsi prime minister barim Atal Bihari Vajpayee lapen high court aphan loh ketok. Ansi CBI katarlip padolo. Lasi ajak dingklui ningkan 15 aphi Ram Rahim aphan arloso alamki pu adai pacheparpu lo lapen ningkan 20 Ram Rahim aphan jail kebengji aphan kangsai alamrai pilo. Seta rat pangri atum judge aphan pekroi det amat akai isi alar ningkan ingkoi aphan ansi jail kedoji aphan kapangdak ajok victim atum aning kangsamse ase angtong chepado.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives