ADVERTISEMENT

This area is available for advertisement. Please contact for details.

Arnivang
Get Adobe Flash player

KASGBA ningduk kachepaklang

Diphu, Chiti 4: Kedamtang 2014 aningkan Matijong achiklo niphai 17 arni Karbi Anglong Sarkari Gaon Bura Association (KASGBA) mahang kethek arani Diphu Club along katalon ahut KAAC CEM Tuliram Ronghang alohi sarpo aman pen nangkachetong dun ahut alangli kaningje atengke SGB atum aphan suri isi an abainong 2015 aningkan pen kechengsi abainong kipiji aphan KAAC session along cheparai po pusi rat angno chak tekang lo. Seta aphong-aphong KAAC session pen EC amai damdet aphi ta kacheparai alam kavedet aphuthak CEM Tuliram Ronghang aphan non ke ning kachethe athai avedet lo pusi KASGBA atum ningduk chepaklang.
Pinpurme, Assam plan district malom ke kijum nai ta chiklo ejon along sika suri pli ra pharo pho atangka an bainong (Honorarium) pi bom. Seta Karbi Anglong SGB aphan nonpu anta pharo troksi ansi dobom lang. Lapuson keplak kebeng vong lapen man-peng chipi thekthe ajoine kaike rat aphan, rat ajoine arpu parpu lun abangphu SGB atum aphan KAAC panung kuk lo. Lasi SGB aphan man-peng kipi thekthe kosonsi rong asar aphan Sixth Schedule aron ateng pen dim klong chelong po? Lasi KARAA asong atum ta munthi nangkokji  pusi KASGBA sankur chunbang Dorsing Terang pen birta nangpale.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives