ADVERTISEMENT

This area is available for advertisement. Please contact for details.

Arnivang
Get Adobe Flash player

BRICS Summit along Pakistan aklempar asong amen keklang

XIAMEN, Chiti 4: BRICS Summit kachetong amai along okchumpran asai aphuthak sodak pen pinremsi kapavir detji aphan isivet karjap thipji si BRICS jabang atum chingki pacheton.
BRICS Summit along India Prime Minister Narendra Modi, Chinese President Xi Jinping, Russian President Vladimir Puttin, Brazilian President Michael Temer, South African President Jacob Juma atum Taliban, ISIS, Al-Qaeda lapen aro arim Eastern Turkistan Islamic Movement, Islamic Movement of Uzbekistan, Haqammi network, Pakistani Lashkar-e-Toiba, Jaish-e-Mohammed, Tehrik-i-Taliban Pakistan (TTP) lapen Hizb Ut-Tahrir atum katengkheng ver ahavar along keton kelang aphuthak chingvai. Okchumpran asai kachomatha atum aphan BRICS jabang atum sodak pen pinrem lapen klempar asai along kacherap dun mate keklem bom atum aphan ingsai nangji pusi pu.
Non aphoi henlo BRICS summit along Pakistani klempar asong amen kapaklang pon cheng.
Adunthu det pho angbong international kacherap paprang dunji aphan sai dengsi nat-nat det angbong sovereign equality of state pen danglok International law pathirsi nat-nat det arlo alamki along kaprek adet kachejok dunde detji aphanta chingvai. BRICS summit along PM Modi UN Security Council Reforms alam pinpur dun. Alang okchumpran asai aphuthak sodak pen pinrem si klempar atum keklem bom abidi lapen tangka kasalon a-inghap kangkir etji aphansi BRICS jabang atum cheparai.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives