ADVERTISEMENT

This area is available for advertisement. Please contact for details.

Arnivang
Get Adobe Flash player

Judicial court Diphu court along lamhoi kepho atum aphan pangrumsi ‘National Lok Adalat’ asai dengpo

UntitledDiphu, Paipai 31: Kedamtang Paipai 12 arni Guwahati High Court a Chief Justice Ajit Singh arideng pen Diphu along Judiciary Court ingpu det aphi ongdung alamki, lamhoi  kepho atum aphan ahok pet akangsai kelongji aphan rat varsai long bomlo. Lasi, kevangji Chiti achiklo 9 arni pen Diphu Court along lamki, lamhoi  kepho atum aphan pangrumsi ‘National Lok Adalat’ asai dengpo. Laso along Bank along loan apreng  kachetu un-e atum aphan hangpo, Telephone Bills apreng, water Supply apreng, rihing ameh anam kipipe  alamhoi, gari-motor kachetong alamki, lamhoi, court married alamki, anparta, hem isi, penanso  angbong kachebohong alamki,lamhoi pen chenglok kaprek kaprek lamhoi kepho atum aphan Judiciary  Court  atum pen ahokpet akangsai mate  kechoklim akangsai pen pajok ponpo.
Pinpurme, kedammtang Paipai 12 arni pen judiciary court ingpu det pen isi kethedung alamhoi kepho atum aphan Judiciary court atum pen pajok ponlo. sonsi, kedamtang 1984 aningkan Jangmi achiklo 27 arni bang-pli atum murder case alamhoi pho lo. seta, alanglitum aphan kangsaiji ahut apran ke-envek lo pu ahakhi (witness) kelong ledet ajoine Diphu court atum pen ningkan 32 angbong alanglitum aphan jail pachethap nanglo. Aphi bang-pli angbong pen inut abang jail arlosi apran damjui lo. aphi Judiciary court atum pen alanglitum alamhoi aphuthak cheparidengsi ahokpet akangsai pado lo. seta. Ahok pet a hakhi kelong ledet ajoine bang-kethom atum aphanta murder case alamhoi pen pajok pon detlo.
Seta, Diphu court along ongdung alamki, langhoi kepho atum aphan kangsaiji along tangka kachongtip dun rong ajoine penang arat atum aphan ahokpet akangsai longle detlo pusi pini pherangke atum kahumri dam ahut Judiciary court asaiphu atum than.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives