ADVERTISEMENT

This area is available for advertisement. Please contact for details.

Arnivang
Get Adobe Flash player

KAAC kaparlo venture school atum aphan provincialise po pu alamrai dengsi kapajut

228 KAAC Session kangni

UntitledDiphu, Paipai 30: Akimi Karbi Anglong Autonomous Council kachari atum pen pini kechengsi council session ingni.
Chairman Horen Sing Bey kachari 228 session along minut 30 anbak chethan chepakengsi kado kave pharman bangphu atum chedonsar pen son trok alamrai deng lo.
CAG alamjai (Report) kaselamji mate kelangchari aphan MAC D. Uphing Maslai aphan chairman arpu pen pensi isi amei selam lo. Laso along MAC atum Richard Tokbi, Ritesh Inghi, Pavan Kr Rai lapen Sr. FAO pen Jr. FAO atum aphan klembangphu pado dun lo.
Karbi Anglong Venture School Association kachoningri ateng Karbi Anglong Autonomous Council kaparlo venture school along loh kethan lapen loh kethanthe asaikhi atum asai provincial keponji aphan executive amai along cherai et lo.
Laso ateng pini kopusonsi kapachunji ma aphuthak pini amai along chingki-chethansi son trok alamrai deng lo. Laso ahut Karbi Anglong arlo kedo venture school provincialised ji aphan cut off date ke 31-12-2016 arni kali aprang nangji lapen 1-1-2006 kalidet nangji (lake Assam education provincialisation of service of teacher lapen Re-organization of Educational institute Act-2017 ateng lo).
Kedamtang 1-1-2006 pen non an kipi kethom asatlang along ki un aphant (Pass percentage) nangne lapen venture educational Institute provincialization aphan kengtuinai angdeng along amen kachethap penta pajok lo.
Venture school along loh kethan lapen kethanthe asaikhi atum ningkan pho keklem tang abang nangji lapen 2006 pen ningkan trok kali (lake Assam education provincialisation of service of Teacher lapen Re-organization of Educational institute Act-2017 ateng lo).
KAAC pen permission kipi lapen kedeng (recognition) tang Lower Primary School pen  ha a degree college anta government mate SEBA/AHSEC pen kedeng atengsi hok nang po.
Karbi Language Teacher aphan Provincialisation along keponji a act ke Dima Hasao along kedo ajahak secondary/elementary school along Hmar alam MIL kepon a Act ateng lo.
Karbi Anglong Autonomous Council kaparlo Venture Elementary Educational Institute aphan provincialise kepon ke, DISE code of Venture educational institutions ateng kali det nangji.
KAAC kaparlo venture school atum aphan provincialzation keponji alam aphuthak chingvai-chingsai patep pen lamrai dengsi 228 KAAC Session ta pajut det lo.

Leave a Reply

Your email address will not be published. Required fields are marked *

August 2017
M T W T F S S
« Jul   Sep »
 123456
78910111213
14151617181920
21222324252627
28293031  
Archives