ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi atum ke keche atum ason ik pen ni hang pet un eh, hanghe detsi kemeji

Non malom penang an a Karbi atum ta Ahom atum ason kacharlidun amat kachinine apinso aphan piso atum ke ik lapen arloso aphan ke ni pu hangdun det. Laso alam ke Ahom atum le majok aphan non seta kachinine  a pinso aphan ke dada lapen arloso aphan ke baido pu hangdet. Bangso aphuthak ason lo neli kaike ta kaningje ver ke ke-ongdung a Arleng atum ke bang aso atum along kachingbedun thekpik pu. Athe ili kethek long ke komat alongri pen ma kachedai, halaso alongri amonit atum alam-aki, pindeng lapen jutang kachejudun dopik seta non amat ili Karbi atum ke ove kimi mate kai kimi ahut Karbi apeh anvet lang bang aphan ebe nang kapadun un.
    Toh non kai kimi ahut ke kachingvui akai lapen akeme aling si ke endunji pulo seta hithi kedam ahut jasemet Karbi ahan ahithi lapen kachetonglok ahut pinso aphan ik pu kehang lapen arloso aphan ni pu kehang abang ke Ahom atum ason charlidun nangne lapen bangso alam aphuthak neli kroi un eh athe Ahom lapen Hindi kaningje atum ke bang akur hijan ta che endet seta ili Karbi atum ke hako pen ta lason pulote kache en kachedo along ke senem aron dopik, kur hijan kache en aphan ke apran pensi adai ta ke en. Laso alam ke Karbi atum an ke chinipet. Karbi atum aron mate ajutang along ke-ong-e nihu aphan pathepik. Latum aphan ke Arnam pusi ili kachehok. Hem along keklem nangji ajutang along anta e ong aphan ke akenangsot. Laso ajok Karbi ajutang along ke kachepho chero aron atengsi chehangji. Lasi ekorpihai aphan ason le ni pulote lake kopulo kado kave kekroipet po? Hako penta Karbi atum ke monit kimi chetong lo pulote chilir vekji. Jongsi nahok pen ta pitung-putung anat pen kachepho-chero ave pulote kakore mate kirim lapen mok kichu pensi kachehang aron padamji. Lason amat Karbi atum ke nahok le dam non seta donrap cheplang det. Lasonsi Karbi atum ke ahin tin anat ta kedopet ajok Karbi ke khei kangthim lapen ajutang ingchopik pusi bang kethek-thek lapen katarlip (Research) keklem atum ta epangthek lo. Lasi lason amo bang Ahom atum ason dada pen baido lapen Hindi atum ason baiya pen behen pu abang ke charli dun nangne. Jongsi bang monit kimi aphan pulote la Karbi atum le jasemet phak ok kejor atum ason pinso atum aphan ke sir pu hang et.
    Lasi ove kimi atum jongsi bang ason charli dunji pulote pinso aphan ke sir lapen arloso atum aphan ke madam pu akehang ke henone seta ahok pet lasonsi hangji pulote pinso aphan ke akehai lapen arloso atum aphan ke akehaipi pu hang det si akemeji. Seta pinso atum ta arloso atum amunpi pen akopihai lapen anipi aron ta doji, latum aphan koson pensi ni pu kehangpo. Anipi aron aphan ke chokdet tahai seta arloso atum alokhai pen atepohai aphan koson pensi ik pu kehang un po? Lason jongsi handgun det pulote lake Karbi aron along kapachehodun lo lapen mo pijo-pijo pen ke Karbi aron ta lamdak po. Lasi sankur arat bangso aphuthak kamatha pamesi akemeji.

2 Responses to Karbi atum ke keche atum ason ik pen ni hang pet un eh, hanghe detsi kemeji

  • kachinine amonit mate apinso/rloso aPhan ik/ni pu jong c hang longle pulote koson ke hang c k chok ji prapjin pn kapachini ji afan c neli hin pem choningri dam pado lo! a problem le do lo k a solution ta prap jin pen pi nangpo.jong c karbi akhei la bangso kachehang aron abang aron re hoi pu thek dam long an mate kamatha k do tum an k matha par sik pen laso kachehang aphuthak k chok kachehang than mathe ir c pangdak ngpo.

    • Aron ateng (Law) ke kephovek mate victim amen ke paklang longle. Lasi kaike ta kephovek amen lapen amohor ke majok a paper along puseta paklangkle lo.

Leave a Reply

Your email address will not be published. Required fields are marked *

August 2017
M T W T F S S
« Jul   Sep »
 123456
78910111213
14151617181920
21222324252627
28293031  
Archives