ADVERTISEMENT

This area is available for advertisement. Please contact for details.

Arnivang
Get Adobe Flash player

Manghu meme akeso kepholok Serlika Kropi apunu hamphang asong aphan kachoro

DIPHU, Paipai 12: Kedamtang Paipai pho  arni birta aloh along keklang  Diphu Malongso amekar Chandra Kro asopi Serlika Kropi manghu meme aphu along amek akeso kacholong pu paklang lo. Labangso akeso kachelangji aphan kadure det ajok chelang thekthe det lo. Sita Serlika akopai keme ajoine hamphang asong 24+ Rita Kramsapi jalin si humridam lo. Kisung kephovek Serlika Kropi aphan alanglitum cheparideng dunsi Diphu Civil Hospital an vansi doctor atum pen chingki-chethansi mesen pen Serlika aphan rak (operation) long lo. Setame dak Diphu Civil Hospital along ke labangso akeso aphan kenep thekthe det ajok kerak a ok abang akehelo pon nangkok lo. Non amat ke Serlika aphan Diphu Civil Hospital alongsi seh langbom lang. Halapu Serlika Kropi apo Chandra Kro kadure det ajoine thangta keklem thekthe ajok kesodet Serlika lapusonsi chechak nang varet lo. Bonta lapuson kisung apor ahut kanghon-kajinso dun pen hamphang asong 24+ atum Rita Kramsapi jalinsi kacherap dungthek aphuthak Serlika Kropi apunu atum Daniel Kro pen Sing Kro atum suri-suri akardom pajirsi kachoro pajir. Lapuson kisung keboi det ahemtun along kisung aphuthak birta ke en dam ke isi kemesen mate thedung kachinghon angthek lo pusi Serlika apunu Daniel Kro birta pachetak.

Leave a Reply

Your email address will not be published. Required fields are marked *

August 2017
M T W T F S S
« Jul    
 123456
78910111213
14151617181920
21222324252627
28293031  
Archives