ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Tokbang Aterank atum Manim Lammet Nong-eh pajir po

Diphu, Paipai 12: Karbi Lammet Lamchong kapachan lapen kapachethangji aphan pu keseng Karbi Tokbang Aterank atum pining pen isi ‘Lammet Nong-eh’ Manin Lammet a anong-eh kapajir aphan chisik lo. Laso anong-eh ningkan hini pen ephong ansi pichotji lapen Karbi alam pen lamhancha, temoso, hirjir, lamjir keklangtang aloh (book) angbong pen kemenai ingvaisi nong-eh piji. Laso anong-eh along tangka kereng lapen Manim a logo kedo ningkachingsam anong-eh lapen kehok aloh (Certificate) anparta poho pen choi hongthor (so-arlo pulote peh sarpi) pajirji.
Nong-eh kapajirji aphan kemenai kangvai amei hini, kangkrung amei lapen kangvai padu amei seng lo. Laso ateng kangkrung amei atum pen kemenai pak troksi akitap ingvai lo. Pak troksi akitap angbong pen kangvai padu amei atum ingvai thusi akemenai aphan nong-eh pajir po.
Karbi Tokbang Aterank arta ningkan hini ra chiklo jon nerkep an pleng lo, laso aterank pen achiklo jontin kapaklang lammet alamsai ‘Manim’ non 2017 Paipai achiklo anke ningkan hini pleng lo. Lasi ningkan hini kepleng ning arong kachipi amai non kevangji Paipai 26 arni talon po. Laso ahutsi Manim Lammet a Nong-eh ta pajir po pusi Karbi Tokbang Aterank ameiphu Bidyasing Rongpi pangdak.
Laso amai along Manim alamsai along kedamtang ningkan isi angbong keklangtang alamjir, temoso lapen hirjir kemenai ingvaisi bang kethom atum aphan ta nong-eh pajirji. Bangso amai along kado kave atum kachetong dunji aphan ning aklong pen choningri lo puta meiphu Bidyasing Rongpi birta pangdak.

Leave a Reply

Your email address will not be published. Required fields are marked *

August 2017
M T W T F S S
« Jul   Sep »
 123456
78910111213
14151617181920
21222324252627
28293031  
Archives