ADVERTISEMENT

This area is available for advertisement. Please contact for details.

Arnivang
Get Adobe Flash player

Gana Utsav apharman arsikjit amai kangni

Diphu, Paipai 12: Kedamtang Paipai 10 arni Karbi Anglong Primary Teachers Association (KAPTA) asaihem along arnisi apharman Gana Utsav aphuthak Lumbajong Block kaparlo lower primary school a thanbang kehoi do-an atum mai kangni.
KAPTA ameiphi Langtuipi Rongpipi kachepahemphi amai along sankur chunbang Probin Hanse mai kepha alamthe jai. Mai along alohi aman pen SSA asaiphu Nayan Pathak, DPEO Sonsing Tokbi, Rap DPEO Rita Ingtipi, BTC principal Dhonsing Timung, SSA Programme Officer Khonsing Ronghang lapen DIET a Principal Kakrai Teronpi atum chetong dun.
KAAC Primary Education Department lapen Karbi Anglong Primary Teachers Association atum chelangpet kapatirpi amai along, non kevangji Chiti achiklo niphai 19 pen 22 an Gana Utsav katalonji aphan kopusonsi chisik nangji lapen kosonsi alir-alon kachipiji ma aphuthak chingki-chethan.
Karbi Anglong arlo Gana Utsav mesen katalon pen charli ahin anta mesen angthek kachepalong pen kopusonsi Grade A kalite B kachepalong dun thekji ma ta mai along kachetong dun alohi atum than tekang pusi KAPTA rap sankur chunbang Philipson Bey birta pachini.

Leave a Reply

Your email address will not be published. Required fields are marked *

August 2017
M T W T F S S
« Jul    
 123456
78910111213
14151617181920
21222324252627
28293031  
Archives