ADVERTISEMENT

This area is available for advertisement. Please contact for details.

Arnivang
Get Adobe Flash player

Doklam alam ke India atum ingtangkring pusi chepaklang: US defence kethekser atum

Washington, Paipai 12: China asor atum kelang ateng chiki klong si ningpung pen ason-son nang keklem paso seta Doklam along alam aphuthak India atum “thirklong ajakong do pu chepaklang” marek ta en-eh pusi American defence ahin kethek ser atum ningje.
Chinese People’s Army atum tovar kaselam bom ahut Indian armu okso atum khang dun thip ajok Doklam asanchom kedamtang ni 50 sose lo India pen China angbong chetong te det lo.
Indian a-ot adur kachepaklang pen laso aphuthak kardompi along  US Naval War College professor James R Holmes kaningje ke, “non an New Delhi asor keklem kedam mesen lo pusi choro, madu aphanta kerap chohanghe lapen kahurisai alam aphuthak Beijing aphan thangta pupe si dojoi.”
“Monit ajakong arjap kluk un do pusi chepaklang lo, athema China asor atum kangcho klong seta thangta klem dunde,” puta Holmes ningje.
Holmes kaningje thu ke, China atum methang thirklong ajakong do lasi pare dun nangji athema China atum ahoi alamki aphuthak dojoije lapen huri bomji.
“Jongsi China atum laso alam parno pulote kachingvai akenangsot,” puta Holmes ningje.

Leave a Reply

Your email address will not be published. Required fields are marked *

August 2017
M T W T F S S
« Jul   Sep »
 123456
78910111213
14151617181920
21222324252627
28293031  
Archives