ADVERTISEMENT

This area is available for advertisement. Please contact for details.

Arnivang
Get Adobe Flash player

Assam arlo puthot lang kethethu, long 15 arlo 3.55 lakh arat kisung

Guwahati, Paipai 12: Assam arlo puthot lang kethethu ajok longri 15 arlo 3.55 lakh doji arat kisung chetong thu nang lo.
Assam State Disaster Management Authority (ASDMA) kepangdak atengke longri 15 arlo rong 781 arat kisung kepho apahi 3.55 lakh doji pusi pu.
Nihangnirep ahavar arve kejangthu ajok Brahmaputra, Buridihing, Dhansiri, Jia Bharali, Puthimari lapen Sankosh alangroi alang kaphere meme ang-ang athaksi li bom lapen hectare 20,000 sose kachotiki alongle lang kanglum dolo.
Lang kethe kisung kepho angbong pen 14,000 doji arat atum long 39 kachepachong aboha alongsi chepachong dam lo pusi ASDMA kapangdak.
Lang kethe kisung kachetong thu alongri ke Dhemaji, Lakhimpur, Biswanath, Baksa, Barpeta, Bongaigaon, Chirang, Kokrajhar, Dhubri, Jorhat, Majuli, Sivasagar, Charaideo, Dibrugarh lapen Tinsukia helo.
Lang kethe kisung arat aphan tongsekot pen kerap ji aphan chief minister Sarbananda Sonowal, Bhomta arni Delhi si kedokok ajok chief secretary V K Pipersenia aphansi video conference pen lang kethe kisung kepho alongri tin deputy commissioner pen pachingki toi lo.
Vosik achiklo penlo Assam along langkethe kecheng. Paipai 1 arni Prime Minister Narendra Modi ta nanghumri si langkethe nanglang.

Leave a Reply

Your email address will not be published. Required fields are marked *

August 2017
M T W T F S S
« Jul   Sep »
 123456
78910111213
14151617181920
21222324252627
28293031  
Archives