ADVERTISEMENT

This area is available for advertisement. Please contact for details.

Arnivang
Get Adobe Flash player

Assam along sai langno keklem aphai ke Bangladeshi atum lit nailo: PVM

GUWAHATI, Pipai 12: Assam along kedo barim atum aphan te Bangladeshi atum aphai nangkam bom lo. Assam state along isi pen isi adai kedo alamki alamhoi kapabon lapen birta aloh malom arnivang lahai alamki keklang pensi Bangladeshi atum lahai alamki along kacherap aphai ong nai lo puke angthek klangdak lo. Lahai alamki angthek kapaklangji aphan Prabajan Virodhi Manch (PVM) pen isi a list semar lo. Gauhati high court along Paipai 7 arni pen Paipai 11 arni an lamhoi kedeng kado kave bail kachonigri atum aphuthak angton pen tarlip pameka lo. Laso ateng pen angthek kelong dam ateng ke phant 50 pen athak adai kedo alamki along anke Bangladeshi atum ong nailo. Lasonsi kedamtang niphai 7 pen
11 arni an ni pho angbong lang tarlip det aphi kelong aphai ke Bangladeshi atum adai kedo aphai phant 54.34 lapen akaprek atum adai kedo aphai phant 45.66% . Bangladeshi atum kechan ajoine lapen kaprek-kaprek sai langno keklem ajakong pensi Assam along kedobarim akhei atum aphan ber bom lo lapen chenek bom lo. Guwahati arongsopi pen danglok kaprek-kaprek adim along motorcycle inghu bom lo. Halahai kanghu a motorcycle heihui Bangladeshi kedo anglum malom kejor inghusi engine plok pen telong along thon lo. Lahai kado kave asai along sorkar atum kelang kapangching dun kenangsot. Halapu Kokrajhar along ABMSU asongja Lafikul Islam aphan apran karmut alamki along pensi sorkar atum kapachingbarbe aron rat athengno klangdak lo. Assam along penang an minister lapen DGP atum lamki kedo adim humri damsi ahem asor atum aphan kerap lapen inghoi hini government avoreng pajir lo. Setame Jamunamukh along arta ningkan 55 Aranmai Bora pu inut thanbang kehoi aphan un an chenek lapen cholangremsi apran armut detlo. Halaso alamki along adai kedo abang ke inut Bangladeshi amonit lo. Laso along haldak MLA lapen SP atum ahem humri damlo setame ahem asor atum aphan sorkar pen thangnat akerap mate sorkar avoreng ta pipe det lo. Nagaon district along ke kedo barim atumsi aphai jum bom lo lapen ladak Bangladeshi atum nangkechan ke ladak kedo akhei atum pen henlo. Laso ajoine methang ahem along amatsi kachorek nang ason mandet lo. Kevangji 20140 aningkan anke Assam along kedo barim atumke minority kacheman detji angring thetanlo. Non ta ladak kedo barim atum ke raikom ave pin ason lo pusi PVM pachetak.

Leave a Reply

Your email address will not be published. Required fields are marked *

August 2017
M T W T F S S
« Jul    
 123456
78910111213
14151617181920
21222324252627
28293031  
Archives