ADVERTISEMENT

This area is available for advertisement. Please contact for details.

Arnivang
Get Adobe Flash player

Simplex keklem Diphu kedongput Manja-Lumding atovar aron ateng kali

UntitledDiphu, Paipai 9: Simplex company keklem bom Diphu kedong put Manja-Lumding NH-139 atovar keklem kanglen chot kali aronre ateng pen tovar asai klemkle le.
Pinpurme, kedamtang 2011 aningkan keklem kecheng atovar pining anta achitim anta tang pameme lang. Keklem kapanglen chot kali tovar keklem aron ateng klemkle pin asonsi thek long. Laso ajoine kapatangtang ajo ningkan isi anta plengple tovar kaheno pangcheng lo.
Highway keklem nangji aron ateng ke nordong pen-pen tovarpi adak monit kapachelang a footpath 6 ft. dovek nangji, seta non kethek long ke ongdung adim along 2 ft ansi do lapen ajahak adim along ke la-anta avesi kethek long. La-an chot kali sand gravel kethok kapapleng ahokpet aron ateng kalidet ajoine tovar ketangtang adim along heno bomsi kado kave thek longhur lo.
Carpeting ta 1/ 1.5 inch arlong kethok ta aron ateng pulote 3 inch dovek nangji lapen kijutsi tovar seal coat kapanai ta aron ateng ke inchi hini dovek nangji seta Simplex atum keklem alongtin ta aron ateng kalidet ajoinesi tovar akai kithihekji angring do.
La-an chot kali bitumen alang pen arlong kapangvui ahut ta kapajum nangji ateng pajumje detsi tovar kaselam amo kevangve man det lo. La-an chot kali tovar kaselam ajam kapathe ta ajahak along ko-an ma kapathe nangji ateng an pathethe pusi ajahak kacheroktok arat atum pherangke aphan pachini.
Lahai asai along Karbi Anglong arlo kedo ke-ongdung asong atum kelang dun kapangkre lapen aron ateng kapaselamji aphan kipu dunde det ajoine Simplex atum aning kehang alingsi selam lo. Laso atovar kaselam along apun-achak aphuthak Karbi Anglong Autonomous Council atum pen ta thangta ardi pi dunde.
Pinpurme, Bhaigya Kalita kaselam Manja pen Dimapur adak atovar asonsi highway amen chot rong arlo atovar memunak asonsi non Simplex keklem Diphu kedongput Manja-Lumding atovar ta kemanji angring do puta kacheroktok arat atum jong.

Leave a Reply

Your email address will not be published. Required fields are marked *

August 2017
M T W T F S S
« Jul   Sep »
 123456
78910111213
14151617181920
21222324252627
28293031  
Archives