ADVERTISEMENT

This area is available for advertisement. Please contact for details.

Arnivang
Get Adobe Flash player

Silapathar alamki: Sobudh Biswas pen-pen bang 54 atum aphan bail pipe det

GUWAHATI, Paipai 10: Sobudh Bishas pen-pen Silapathar alamki along kacherap dun bang 54 atum aphan pini Dhemaji court along ponthu lo. Dhemaji district jail along kachebeng nangboom halahai adai kedo abangphu atum bail aphuthak pini hearing ke-enji aphansi alanglitum aphan court along pon lo setame Silapathar court pen alanglitum aphan puthot bail pipe det lo.
Pinpurme kedamtang arni Dhemaji Silapathar along alamki aphuthak Assam adangpi hamphang asong atum thurpaksi adai kedo atum aphan nep ingnang nangji pusi hang lo. Dhemji Silapathar police station along penang an alamhoi dengsi Sabudh Bishas pen-pen kacherap dun bang 54 atum aphan nep ingnang lo. Laso aphi court atum aron ateng pen ingsaisi jail thap lo. Laso angbong Sabudh Bishas lapen kacherap dun adai kedo an bang 54 atum bail aphan court akengri pale lo. Kaprek-kaprek ahin laso alamhoi aphuthak tarlip bom lo lapen bail aphuthak ta hearing deng bom lo. Abatai tin ta Silapathar alamki along kacherap dun adai kedo atum aphan court atum bail pipe detlo. Laso alar alanglitum aphan sodak asai dengsi ingsai bom lo. Lason thak thaksi piƱata alanglitum aphan bail pipe detlo. Nangkeleji Chiti niphai 4 arni pen 7 arni an Dhemaji session just court along klardak pen kangsai deng po.

Leave a Reply

Your email address will not be published. Required fields are marked *

August 2017
M T W T F S S
« Jul   Sep »
 123456
78910111213
14151617181920
21222324252627
28293031  
Archives