ADVERTISEMENT

This area is available for advertisement. Please contact for details.

Arnivang
Get Adobe Flash player

Parakhowa LAMPS kilik bang 30 angbongsi chedan po

PARAKHOWA, Paipai 10: Nangkeleji Paipai achiklo niphai 21 arni kapadoji Parakhowa LAMPS kilik along BJP pen bang 15 lapen Congress pen bang 15 candidate atum angbongsi chedan po. Ningkan pho apharman puthot labangso a LAMPS kachari thuji aphan kilik aron dengsi kedamtang Paipai niphai nerkep arni nomination alo kejok kijutsi arni paman lo. Halabangso arni amatsi kado kave nomination aloh lang tarlip lo. BJP pen bang 15 lapen Congress pen bang 15 nomination alo kejok atengsi la inghoi 15 apharman Congress-BJP angbong kilik chedan po.
Pinpurme nangkeleji Paipai niphai 21 arni ke aprang kachari tang atum apor jut po. Lasi puthot ningkan pho apharman kachari thuji aphansi Paipai 21 arni kilik do po. Parakhowa LAMPS along kado kave inghoi 15 kapanong do. Laso angbong so-arlo atum aphan kapanong inghoi hini, SC/ST atum aphan inghoi isi lapen general aphan inghoi 12 do.

Leave a Reply

Your email address will not be published. Required fields are marked *

August 2017
M T W T F S S
« Jul    
 123456
78910111213
14151617181920
21222324252627
28293031  
Archives