ADVERTISEMENT

This area is available for advertisement. Please contact for details.

Arnivang
Get Adobe Flash player

DGC a principal aning keho pen aduk nang kanghoi pusi kacharli osopi lam kevan

DIPHU, Paipai 10: Kaike lamki keklangver abangphu Diphu Government College a principal Nirab Kumar Sarma inut kacharli osopi aphan avi kachepave pen danglok kamatha kapasung lapen kachenek pu akoi van pen non malom Diphu Government College along penang an hur cho lo. Bangso a osopi lahai alam pherangke atum angno kapangdak ajok kacharli atemon kesoluk nang do lilo. Lahai alam kachini pameji aphan a osopi aphan karju patertok pen kachethan ke, Diphu Government College along neli science stream si ke-en lapen neli HS final year third division pensi ki-un lapen chemistry subject si fail chot, seta principal NK Sarma abang neliphan admission nangpipe det pusi kephovek arloso ningje. Ningkan isi hem along kachirulok pensi kapangthang lo lapen neli ta porhi ingtungduk.
Nelipo 2006 aningkansi arong chevoi lo. Laso adular nelipeisi keklem lapen chiklo ejon abainong sika 6000 vet. Nelitum ke dukdet, lasi akaprek adim ke charli un-eh. Neliphan nang kapasiksak aphuthak kangsai (justice) longvek nangji. Athema Diphu Government College a principal Nirab Kumar Sarma abang neliphan sexually, mentally, physically nang kapasik-sak. Kedamtang aningkan pen lo principal nang kapasiksak. Lasi alangli ke virus lo pusi arloso abang akoi van. Lasonsi accountant Daimary ta sexually harassment nangpi lo lapen Dimapur along mek nang pajang dun toisi nang pinkhat rong.
Neliphan MBBS heihui alam pathesi apor nang padam lapen lata alang long sang dun lote asai chok po pusi nang kipu. Neli thang ajakong ta ave, laso ajoinesi neli ningkan isi ta dojoi, bonta pini arni neli ning chekhang un-eh detsi klem nangkok lo puta arloso abang chethan.
Principal Nirab Kumar Sarma aphan akoi kevan aphuthak alangli lamklar kachepi ke ‘kedamtang 2016 aningkan Jakhong achiklo men kethap ahut ning chematha dam ansi neli laso arloso aphan chini pin lo’.
Ningkan isi angbong laso arloso aphan theklokle pin lo puta Sarma ningje.
TDC Science stream along pangrumpet inghoi 120 anvet laso angbong ST pen danglok kaprek-kaprek kerai anghoi aphan thak nangji. Laso ahut laso arloso admission long dunde detsi neli chamber along apei pen vang lo. Math thanbang Sonowal ta do pusi principal Sarma aphan pherangke karju ahut nangthan. Alangliphan karju ahut nang kethak thu ke, laso arlo phant 40.4 anvet. Lasi admission nangpi un-eh, jongsi nangpi det pulote akaprek atum ke hangjo po pusi neli puthip lo. Bonta apei pen arloso neli chamber along vangsi nang choningri lo. Neli pei ke college asaikhi lo, lasi staff a quota pen nangpi det tha pusi nang choningri lo, bonta master roll ke nangpi un-eh pulo pusi neli (Sarma) thak dun lo. Neliphan nang choningri varetsi master roll seta neli admission kipiji aphan tok dun det lo.
Neli tok dun det lo bonta alangli Chemistry subject un-eh det (fail) lapen compartmental pen tok dunsi chepa-un lo pu alam (Sarma) chinine, bonta laso arloso abang Chemistry thanbang Nobin pen Daimary along aloh paklang dam lo. Laso arloso ke Chemistry fail det lapen compartmental pensi chepa-un pu principal angno pachini thu lo. Aphi neli thanbang aphan pinkhatsi admission pipe det noi pusi pudun. Athema TDC Science stream along ke 120 anghoi anvet. Laso angbong ST atum phant 58 ta cut off mark deng nangkok lapen kaprek-kaprek kerai angbong ta thak nangkok pusi thanbang aphan pachini lo.
Lasonsi laso arlo admission kachepalongji aphan along-along artingsi 2016 kalite pining lone Diphu Girls’ College along admission en lo pusi neli arju long. Tebok terai atum alam lapen ahem asor pen karju long ateng ke, laso arloso kamatha kangchoche ave (aphu henohoi) do pu, athema penang arni tebok-terai atum aphan bamhetsi kedit-kekor heihui klemsi seh pachelang nang set anlo. Lasonsi abong abang sai jokje si ari-akeng kok het lo, aphi ke chepri etsi katjui lo pu alam longdun pusi principal nangpachini. Mental henone mene lake doctor atumsi than thek po puta NK Sarma than.

Leave a Reply

Your email address will not be published. Required fields are marked *

August 2017
M T W T F S S
« Jul   Sep »
 123456
78910111213
14151617181920
21222324252627
28293031  
Archives